Aisarayeli yaakhalano mathowa oophwanelela wi emucicimihe Yehova. Owo aahaakumihawo Oyikuputu nave aawoopola mmatani wa anakhoco a Farawo! (Muk 15:1, 2) Yehova onnatitelela oweerela ichu saphaama achu awe. Nni nooniherye hai othamalela wahu?—Sal 116:12.

Mukhalelo mmoha ori orumeela ntoko piyoneero ookhaviherya naari a elukuluku yoothene. Nyuwaano munanwerya ovekela wa Yehova wi oovaheeni nchuno ni ikuru wi murumeele ntoko Piyoneero. (Fil 2:13) Ancipale anapacerya okhala piyoneero ookhaviherya. Nyuwaano munanwerya othanla omaliha iwora 30 naari 50 variyari va mweeri wa Marsu ni Apirili naari mweeri ooweherya ekulucu onaxekuryeiye muloko anyu. Mmanle orumeela ntoko piyoneero ookhaviherya, vano munanwerya orumeela ntoko piyoneero a elukuluku yoothene. Yaale analapa mahiku oothene naari yaale ekumi aya ehinaweecela phaama, ananwerya okhala mapiyoneero a elukuluku yoothene. (mwb16.07 epaax. 8) Mweeparipari, Yehova tonaphwanela wooniheryiwa ncicimiho!—1Math 16:25.

MOONE EXILEMA AROKORA ARARU O MONKOLIYA, NAVE VOOCHARELA MWAAKHULE MAKOHO ALA:

• Makacamiho taani arokora araru yaakumannaayano emanle okhala mapiyoneera?

• Mareeliho taani awo yaakhenlaaya?

• Ikari taani ikina awo yaaryaayano vaavaa yaakhanlaaya mapiyoneera?

• Yootakiherya aya yaavolowenle hai akina?