“Mmahiku kinakhalaaka oothanana ni ooceecheya, kinnoona wi Yehova onnapharihela macipo a mu JW Broadcasting^® wi akihakararye.”—Lorraine, E.U.A.

Ovinyerya khalai, Akristu annapharihela “macipo oomunepani” wi emulapele Yehova. (Ako. 3:16) Wakhala wi moohuserya wiipa macipo ahu, awo anahaala wookhaviheryaani naamwi muhirino liivuru a macipo naari ekhankoonya. Moone sooleeliherya inacharela sinahaala wookhaviheryaani wiikhoveleliha macipo.

• Mwaalakhanye moopwacha masu a ncipo wi mwiiwexexe yootaphulela aya. Nyuwaano munanwerya orehererya makupa anyu mookhweya vaavaa eyo enoovolowelaayani. Ileetra soothene sa macipo ahu, ophitaanyerya macipo avameekhaaya ni macipo a anamwane annaphwanyeya mu jw.org. Muye mu Epiipliyoteka, makupa ani Macipo.

• Munanwerya orepa ileetra seiya ni mata. Weerano yeela moohikhwa minikwa enamookhaviheryaani vancipale wuupuwelelaka masu yaawo.—Malam. 17:18.

• Mwiipeke ni masu oovuwa. Mwaalakhanyeke naari mwiipeke ni masu oovuwa.

• Mweererye woona ophiyerya mweeryo taani munaweryaanyu wuupuwela. Mweererye wuupuwelela masu ari va epaphelo muhiwenhe, nave voocharela moone waakhanle wi munnakhumelela phaama.