“Nyuwano mukhale amuhusiha.” (Ahe. 5:12) Nkaanyiheryani! Yehova—Muhusiha aphaama a veelaponi yoothene—onnaniwopa waahusiha akina vooloca sa yoowo! Murici wa ohusiha eparipari vooloca sa Yehova—veemusini, mmulokoni, naari mmuteko woolaleerya—ekari yasisapo nave murici mutokweene. Nni nikhumelele hai?

Naakhulo nnaphwanyeya mmasu a murummwa Paulo wa Timoteo: “Wivahe walakhanya olaka ni ohusiha.” Paulo aahaaceererya: “Otitele mwa seiho, wona wi hiha onan’werya ovuluwa weyano ni yale ene anawiwa.” (1 Tim. 4:13, 16) Nyuwaano mookhalano michaka sa ovuluxa wi mulaleerye. Mwa yeeyo ti yoochuneya wiikhoveleliha waalakhanya ni ohusiha. Eproxura ela erehereryiwe wi yookhaviheryeeni weerano yeeyo. Muthokororye ichu sa vakhaani:

Yehova ‘Muhusiha’ Mutokweene. (Isa. 30:20) Vaavaa eproxura ela enahaalaaya wookhaviheryaani waacererya mavyakelo anyu a waalakhanya ni ohusiha, muhicuwale wi Yehova tori Ehime ya michaka sahu nave wi tonaathanla achu. (Yoh. 6:44) Mwawiihiiha, vekani wiiliwiili munepa waweela. Mpharihele Masu a Muluku wiiliwiili. Mumvuwihe Yehova, ohiya nyuwaano. Mwiilipixerye olipiha mirima sa oowiriyana anyu moosivela.

Nyuwaano munnawompwa wi muhusihe muchaka woochuneyaxa ohintonko ovahiwa achu. Ninnaweherya wi vaavaa munaroromelaanyu ‘ikuru munavahiwanyu ti Muluku,’ nyuwo munahaala okhumelela phaama.—1 Ped. 4:11.

Ahusiha akhwiinyu,

Nikhuuru Noolamulela na Anamoona a Yehova