Toma Yakobo ahaka Ngbangɔ na talatala mɛ lengbi ti zangɔ zo ya, lo hũ siɔ kpale tɛ lo nvɛ̃ni. (Zaki 1:22-25) Ngasia la elengbi ti salelangɔ Ngbangɔ mabere talatala nɛ?

Manda tɛnɛ ni na seni. Se du ya e ngbã bo na bangɔ lɛ e ka lɛ talatala ko, ngoi mɛndɛ̃ ta e na hũngɔ ambanga aye ti siɔni mɛ e ndo gi ma. Ti nɛngɔ ya, e hũ aye ti siɔni mɛ ndo ɔndɛ tɛrɛ lo ka gbɛ bɛ e ko, e na lingɔ kpengbani ya, e di Ngbangɔ ngoi zu.

Gi hĩngangɔ aye mɛndɛ̃. Ngoi mɛndɛ̃ elengbi ti salelangɔ talatala so hũngɔ na siɔ ye tɛ azi mɛndɛ̃. Kwɛ kɔi, elengbi nga ti salelangɔ Ngbangɔ so gingɔ na yungɔ ndo tɛ azi mɛndɛ̃. Kanda ta ni na zangɔ e ya, e lɛkɛ yungɔ ndo tɛ e nvɛ̃ni ma.

Gi hĩngangɔ awangɔ. Se e kpã bo lɛ e na ndo yungɔ ndo tɛ e mɛ e ndo hũ ka lɛ talatala ko, ngoi mɛndɛ̃ ni na nzɛ̃ngɔ na e. Ayɔ ya, e du na ndara na ngoi mɛ e ndo di tɛnɛ tɛ Nzapa ta e kpã bo bɛ e ndo tɛrɛ e nvɛ̃ni ɔngɔ Yehova ma.​—Zaki 3:17.