Azi nzɛ̃ na ngoi mɛ azi ko la ala ndo kpã bɛ la na ndo la ndo li aye mɛ ndo to la ya ta ala di kpã bɛ ala na do afɔ̃ la ma. Azi gba zia kpãngɔ bɛ ala na ndo . . .

•   agbia ti politikɛ mɛ ndo kpã agwɛ̃ tɛ la na ndo ti uzu na se lɛ kpãngɔ gwɛ̃ tɛ azi mɛ ala ndo le gbia ndo la.

•   aradio bere atelevisiɔ̃ mɛ ta ndo hɛ̃ infɔrmasiɔ̃ ti bɛta ni ma.

•   azi ti siãsɛ mɛ ta ala ndo li aye ti nzɔ̃ni na lo tɛ azi ma.

•   agbia ti sambela mɛ ala ndo hɛ̃ ti la gba na ya kpale ti politikɛ na se lɛ hɛ̃ngɔ ti la na ya kwa tɛ Nzapa.

 Azi na rɛzɔ̃ ti dungɔ na kpengba lɛ na mbage tɛ azi mɛ ala ndo kpã bɛ la na ndo la. Wangɔ ti ya Ngbangɔ:

•   “Ta ĩ kpã bɛ ĩ na ndo agbia bere na ndo nyi zo ma; na lo mɛ ya, ta ala lengbi ti sarangɔ ĩ ma.”—Nzembo 146:3, Biblia libongoli ya Mokili ya Sika.

  Ngbangɔ fa zo mɛ elengbi ti kpãngɔ bɛ e na ndo lo: Yezo Kristo. Ta lo du bondó zo ti nzɔ̃ni mɛndó na dungɔ lɛ ngɛ̃́ na ya siɛklɛ gba ma. Nzapa pɔnandó Yezo ya lo le kwa ngama Gbia. . . , wa ta Lo-lengɔ Gbia tɛ lo na dungɔ na maka ma.” (Luka 1:32, 33) Yezo du Gbia ti Lo-lengɔ Gbia tɛ Nzapa, Lo-lengɔ Gbia mɛ abanda lingɔ tɛrɛ lo ka ndozu.—Matie 6:10.

•   Ti nɛngɔ ya mɔ hĩnga nda mɛ mɔ lengbi ti kpãngɔ bɛ mɔ na ndo Yezo ko, di atɛnɛ mɛ alanda“Nani azali Mokonzi ya Bokonzi ya Nzambe?” nga na“Bokonzi ya Nzambe ekosala makambo nini?”