“Siɔ Zo la ndo legbia ndo lɛ gegi.”—1 Yoanɛ 5:19, New Century Version.

“Nyi Nzapa aga . . . ya ni gbɛ̃ kwa mɛ Satana ali.”—1 Yoanɛ 3:8, Fana Ngbangɔ.

Nda pɛnɔ ti lɛ gegi asi na olo mɛ yango.—Suma 12:12.

Eye biani ya sese tɛ e na tingɔ nzɔ̃ni.—1 Yoanɛ 2:17.

Ĩ́i, na ndombali a ngbondo tɛnɛ taa (3):

• Nda lo-lengɔgbia tɛ Satana asika ndani wɛ. Yehova kpã lɛlo ndo lo-lengɔgbia tɛ Satana na ndo azi ya ni hɔnzi ni. Lo ko kapa ya ni “ti nɛngɔ ya ni nwɔ Zabulu bwaĩ́” ni honzi asiɔ lo mɛ Satana asi nani bwaĩ́.—Aebre 2:14.

• Nzapa kpã ndó Yezo Kristo ya lo legbia na ndo lɛ gegi. Yezo ɔngbi ma dãma na gbia ti lɛ sese mɛ ndo kpɔ azi, ndo gi bo nzɔ̃ lo tɛ lo nvẽni. Nzapa ko kapa na ndombali lo-lengɔgbia tɛ Yezo ya: “Lo na mangɔ vũndu na lo tɛ ambumbusɛ azi na awa yɛlɛ. . . Lo na tɔ̃ngɔ dungɔ lɛ ngɛ̃́ tɛ ala ka gbɛnda giangɔ nga na zaga.”—Nzembo 72:13, 14.

• Ta Nzapa lengbi ti pangɔ nvɛ̃nɛ ma. Ngbangɔ pa ya: “Ta Nzapa lo lɛngbi ti pangɔ nvɛ̃nɛ ma.” (Aebre 6:18) Ngoi mɛ Yehova ndo ko kapa ti lingɔ ye kɔi ko, ka lɛ lo ko, afa ya lo li ye ni ko wɛ! (Yisaya 55:10, 11) “Na bingɔ gbia ti sese gegi.”—Yoanɛ 12:31.