Na ya eteni mɛ, e na mandangɔ lo mɛ aba apalanga, aprɔfeta nga na agbia mɛndó na loyengɔ ti kpengbani ka mbage tɛ Yehova. Nyingambi kɔi ti wali ti Izraɛlɛ mɛndó ndo du ka Siri ndo na loyengɔ ya, prɔfeta tɛ Nzapa lengbi ti sarangɔ Naamane. Prɔfeta Elisha kpãndó bɛ lo zu ka tɛ Yehova ya, lo na batangɔ ni ka ti awa kula tɛ ni. Kota nganga Nzapa Yehoyada kpãndó dungɔ lɛ ngɛ̃́ tɛ lo na ya kpengba lo so batangɔ Yehoashe ka ti tara lo Atalia mɛndó siɔ zo ti nɛngɔ ya, ta lo ho lo ma. Gbia Hizikiya kpãndó bɛ lo ndo Yehova ya, lo na batangɔ kɔdɔrɔ ti Yeruzalɛmɛ, ta mbɛtɔ tɛ azi ti Siri gbɔndó lo ma. Gbia Yosia karandó angbilondo zu ka Yeruzalɛmɛ, lo lɛkɛ ngandó tepelo wa lo sa ngandó ngunu bɛ azi ti Izraɛlɛ ya, ala diri vɔrɔ Yehova.