Yezo handó kpale ti Lo-lengɔ Gbia ti ndozu. Lo handó na azi ya, ala li sambela ya ili Nzapa ti vuruni, Lo-lengɔ Gbia tɛ lo ga, wa ni li nga kwa ge lɛ sese. Se mɔ du to bere ta nyingambi ko, kambisa hɛ̃ lo nda mɛ du ngbondoni ya e ndo li sambela. Ta Yezo ziandó ya Satana gbɛ̃ mbilimbili tɛ lo ma. Yezo pɔnandó atoma tɛ lo wa ala ti ngandó azi ti ngbondoni naya Lo-lengɔ Gbia tɛ Nzapa. Ĩ manda kpale mɛ aba ge ge ge tɛ Yezo na lo ti sambela ti mbilimbili. Na lo mɛ ya, lo ndo yendó zangɔ azi ko, lo sarandó awa ngã, lo hɛ̃ndó tɛ hɛ̃ azi, wa lo so ngandó azi mɛ kpili. Akpɛ̃nɛ zu mɛndó lo li ndo fa aye mɛ Lo-lengɔ Gbia tɛ Nzapa na lingɔ na lo tɛ azi.