Uuyelele wakwalukehe wopaumwene

•  Okusimaneka uuyelele wopaumwene

•  Uuyelele kombinga yankene uuyelele woye tawu ka longithwa

•  Uuyelele wu na sha negameno nokukaleka iinima iiholekwa

•  Aanona

•  Mboka ihaaya longitha uuyelele mbuka shu ukilila

•  Omatseyitho ge na ko nasha nomalunduluko ngoka ga ningwa mombapila ndjika

•  Opolohalama yokweenditha iinima (Active Scripting or JavaScript)

Tala wo uuyelele mbuka

• Ombapila yuuyelele womuuyuni awuhe kombinga yegameno yOonzapo dhaJehova

• Ombapila yuuyelele womuuyuni awuhe kombinga yokulongitha uuyelele wopaumwene

• Ombapila yuuyelele womuuyuni awuhe kombinga yokulongitha Opolohalama yokudhimbulukitha

Otwa tokola toko tu gamene notu simaneke uuyelele woye wopaumwene. Uuyelele mbuka wa nyolwa muka otawu popi nkene uuyelele wopaumwene mboka tatu ku pula nenge to gandja tawu ka longithwa kepandja lyetu lyokointaneta. Ohatu pungula uuyelele wontumba uuna to longitha epandja lyetu notu wete kutya osha simana tu wu kaleke wa gamenwa notu ku lombwele kutya otatu ke wu longitha ngiini. Oto vulu okuhogolola ngele owa hala oku tu pa uuyelele woye. Uutumbulilo uuyelele wopaumwene (personal data) ngaashi wa popiwa muka, otawu ulike kuuyelele ngaashi edhina lyoye, oe-mail yoye, onomola yoye yongodhi nenge uuyelele wulwe tawu ulike kutya ongoye lye. Ino tegelelwa wu gandje uuyelele woye ngele to longitha omapandja galwe kepandja ndika. Uuna tatu popi “epandja lyetu lyokointaneta” (website) otwa kwatela mo jw.org, apps.jw.org, tv.jw.org, stream.jw.org nosho wo wol.jw.org.

Epandja ndika lyokointaneta (website) olyehangano lyo-Watchtower Bible and Tract Society of New York, Inc. (“Watchtower”), ndyoka li li moNew York, noihali ningi oshimaliwa. Ohali ambidhidha iilonga ayihe mbyoka hayi longwa kOonzapo dhaJehova nelongo lyopaMbiimbeli ndyoka hadhi gandja. Ngele owa tokola lela, wu kale wu na ko o-account, wu gandje omayambidhidho, wu pule ekonakonombiimbeli lyoshali nenge ngaa kehe shoka tashi pula wu gandje uuyelele woye wopaumwene, owu na okutsa kumwe naashoka sha nyolwa mombapila ndjika. Owu na wo okuzimina, opo uuyelele woye wu pungulwe momashina gokupungula uuyelele ngoka ge li koAmerika, wu gongelwe, wu tumwe nowu pungulwe kehangano lyo-Watchtower nosho wo omahangano ngoka haga longele kumwe nalyo ngoka haga ambidhidha Oonzapo dhaJehova miilongo yi ili noyi ili, uuna sha pumbiwa, opo shoka to pulwa wu ningilwe shi ningwe. Ehangano ndika lyopalongelokalunga otali adhika miilongo yi ili noyi ili. Shika osha kwatela mo omagongalo, iitayimbelewa nosho tuu.

Omukalo moka uuyelele woye tawu ka longithwa owi ikolelela kunkene to longitha epandja lyetu. Pashiholelwa, ngele owa tumine oshimaliwa kegongalo nenge koshitayimbelewa shomoshilongo shontumba, edhina lyoye nuuyelele wankene to vulu okukwatathanwa nangoye otawu ka tuminwa egongalo nenge oshitayimbelewa shoka ngaashi to ka ulukilwa pethimbo to gandja oshimaliwa shoka. Natango, ngele owa pula wu kale ho kwathelwa wu konakone Ombiimbeli, edhina lyoye nuuyelele wankene to vulu okukwatathanwa nangoye otawu ka tuminwa koshitayimbelwa shopopepi nokegongalo lyOonzapo dhaJehova lyopopepi, opo wu kwathelwe.

Ngele owa hala okutseya ngele moshilongo sheni omu na oompango dhi na ko nasha negameno lyuuyelele, oto vulu okumona uuyelele woshilongo sheni mpoka pwa nyolwa Uuyelele wegameno kombinga yomakwatathano.

Otwa tala ko okukaleka uuyelele woye wopaumwene wa gamenwa nowu li oshiholekwa ku li oshinima sha kwata miiti. Ohatu longitha omikalo omipe dhokupungula nodhokugamena uuyelele woye kwaamboka kaaye na uuthemba woku wu longitha, kaawu longithwe nayi nenge wu hololelwe aantu yalwe, kaawu lundululwe momukalo inaagu pitikwa nenge wu kanithwe. Ayehe mboka taya longitha uuyelele woye oya tegelelwa ya kaleke uuyelele woye oshiholekwa. Uuyelele woye wopaumwene ohatu wu pungula owala uule wethimbo ndyoka lya pumbiwa nenge opo tu kale metsokumwe naashoka tashi pulwa paveta.

Ohatu gamene uuyelele woye wopaumwene moku wu kaleka itaawu vulu okupatululwa tatu longitha omautholandulathano ngaashi Transport Layer Security (TLS). Otu na omashina gopakompiuta ngoka ge na omautholandulathano ga ngambekwa, ngoka taga vulu okugandja egameno dhingi kutya nduno omoshikwaelektronika. Ohaga gamene nokukaleka uuyelele mboka tatu tuminwa wu kale iiholekwa. Ohatu longitha omilandu dha kwata miiti dhegameno, opo uuyelele woye kawu monike nenge wu longithwe komuntu.

Ngele ngoye okanona nenge omushona nowu li moshilongo moka to vulu okuya kepandja lyetu, oto vulu owala okugandja uuyelele woye ngele to kwathelwa komuvali nenge omukuluntu gulwe ngoka te ku tonatele. Ngele owu li omuvali nenge omukuluntu nowa pitika okanona koye ka nyole uuyelele wako kepandja ndika, otashi ulike kutya owa zimima shoka sha popiwa mombapila ndjika, opo okanona koye ka longithe epandja ndika.

Omathimbo gamwe kepandja lyetu lyokointaneta otashi vulika ku kale oolinka dhaamboka ihaaya longitha uuyelele mbuka shu ukilila, opo ye tu kwathele miinima yilwe, ngaashi okuudhitha oofoloma kointaneta. Oto ka tseya kutya owu li kepandja lyawo lyokointaneta, oshoka inali fa lyetu nondjukithi (address bar) ndjoka yi li pombanda otayi ka lunduluka. Mboka hatu hogolola yetu kwathele momukalo moka, ohaya konakonwa tango ku talike ngele omapandja gawo ohaga gamene ngaa uuyelele waantu, opo tu shilipaleke kutya omilandu ndhoka haya longitha odha faathana naandhoka hatu longitha. Ngele owu na omapulo gasha kombinga yomapandja ngoka, oto vulu okuya ko e to lesha uuyelele wawo kombinga yegameno.

 Okulongitha o-Google Maps kepandja ndika okwi ikolelela kokwiiyutha koompango nosho wo komalandulathano go-Google, hagi ithanwa Google Privacy Policy. Ehangano lyo-Google olyi ithikamena kulyo lyene naashoka hali longo kashi li mepangelo lyetu. Omolwetompelo ndika, ngele to longitha o-Google Maps kepandja ndika owu na okwiiyutha koompango nokomalandulathano o-Google Maps kepandja ndika owu na okwiiyutha koompango nokomalandulathano go-Google Maps nenge go-Google Earth Additional Terms of Service. Ihatu tseyithilwa ngele ko-Google Maps okwa ningwa omalunduluko. Onkee ano, ongoye mwene wu na okulesha oompango nomalandulathano goku yi longitha manga inoo yi longitha.

 Kepandja lyetu lyokointaneta ohaku ningwa omalunduluko ogendji nohaku gwedhwa aluhe iinima iipe. Ohatu hwepopaleke ko wo nokugwedha ko komayakulo ngoka hatu gandja. Molwaashoka ohaku ningwa olundji omalunduluko, yo iinima yi na sha nompango nosho wo uuteknolohi ohayi lunduluka, omukalo moka hatu longitha omauyelele otagu ka kala nokulunduluka omathimbo nomathimbo. Ngele otwa mono kutya uuyelele mboka wu li mombapila ndjika owa pumbwa okulundululwa, otatu ke shi tseyitha kepandja lyetu, opo wu kale wu shi aluhe kutya uuyelele wuni twa gongela nankene tatu wu longitha.

Opolohalama ndjika ohayi ningitha epandja lyetu li kale tali gandja nziya uuyelele kwaangoka te li longitha. Shika otashi ke ku kwathele wu kale ho mono nziya uuyelele mboka to kongo. Opolohalama ndjika ihayi longithwa okutula mo oopolohalama mokompiuta yaangoka ta longitha epandja lyetu nenge yi kuthe uuyelele waangoka te yi longitha kaapu na epitikilo.

Opolohalama ndjika oyi na okukala tayi longo, opo omapandja gamwe goko-jw.org ngoka ge yi pumbwa ga vule okulonga nawa. Omapandja ogendji gokointaneta ohaga pitike omuntu a vule okugandja epitikilo kopolohalama ndjika yi kale tayi longo. Lesha epandja ndyoka li na uuyelele kombinga yo-Web browser yoye, wi ilonge nkene wu na okugandja uuthemba kopolohalama ndjika yi kale tayi longo uuna wu li kointaneta.