Efalomo lyoshitopolwa oshi-3
Momimvo ndhoka dha ka landula ko konima yEyelu, Ombiimbeli oya tumbula aantu aashona lela mboka ya li haya longele Jehova. Gumwe gwomuyo oAbraham, ngoka a li a tseyika nawa e li kuume kaJehova. Omolwashike a li i ithanwa kuume kaJehova? Ngele owu li omuvali, kwathela omumwoye a mone kutya Jehova oku na ko nasha naye nokwa hala oku mu kwathela. Ngaashi Abraham naapiya yalwe aadhiginini mwa kwatelwa Lot naJakob, natse otatu vulu okupula Jehova e tu kwathele. Otatu vulu okukala nuushili kutya Jehova ota ka gwanitha po shoka u uvaneka.
MOSHITOPOLWA SHIKA
OSHIILONGOMWA 7
Oshungo yaBabel
Aantu yamwe oya li ya tokola ya tunge oshilando shi na oshungo ya tsa megulu. Omolwashike Kalunga e ya ningitha ya popye omalaka ga yoolokathana ombadhilila?
OSHIILONGOMWA 8
Abraham naSara oya vulika kuKalunga
Omolwashike Abraham naSara ya thigi po onkalamwenyo yawo ombwanawa, e taya ka kala aayendaguli muKaanan?
OSHIILONGOMWA 9
Osho ya mono okanona kokamati!
Ongiini Kalunga a li ta ka gwanitha po euvaneko lye ndyoka u uvanekela Abraham? Omwanamati gwaAbraham ngoka a li ta ka kwatelwa meuvaneko ndyoka oIsak nenge oIsmael?
OSHIILONGOMWA 10
Dhimbulukwa omukulukadhi gwaLot
Kalunga okwa lokithile Sodom naGomorra omulilo nosulufuli. Omolwashike iilando mbyoka ya li ya hanagulwa po? Omolwashike tu na okudhimbulukwa omukulukadhi gwaLot?
OSHIILONGOMWA 11
Eitaalo tali makelwa
Kalunga okwa lombwele Abraham a ti: ‘Kutha omumwoye epona u ke mu yambe, a ninge efikiloyambo kondundu koshilongo shaMoria.’ Ongiini Abraham a li ta ka taalela eshongo ndika tali makele eitaalo lye?
OSHIILONGOMWA 12
Jakob ta pewa uuthiga
Isak naRebekka oya li ya mono aakwanambwiyu aamati, Esau naJakob. Molwaashono Esau oye a li a valwa tango, okwa li ta ka pewa uuthiga wi ikalekelwa. Omolwashike e wu gandja po, molwokayaha koshigali?
OSHIILONGOMWA 13
Jakob naEsau taya panga ombili
Jakob okwa li a yambekwa ngiini komuyengeli? Ongiini a li a panga ombili naEsau?
