Efalomo lyoshitopolwa oshi-11
Oshitopolwa shika otashi popi kombinga yOmanyolo gopaKriste gOshigreka. Jesus okwa valwa muukwanegumbo wu na aantu aaifupipiki, haya zi mokandoolopa okashona. Okwa li ha longo nahe, ngoka a li omuhongi gwiipilangi. Jesus oye a li ta ka hupitha aantu. Jehova okwe mu hogolola a kale Omukwaniilwa gwUukwaniilwa womegulu. Ngele ngoye omuvali, kwathela omumwoye a mone nkene Jehova a hogolola nawa egumbo moka Jesus a li ta ka valwa nomudhingoloko moka ta ka putukila. Tala wo nkene Jehova a gamene Jesus, opo kaa dhipagwe komukwaniilwa Herodes nankene shoka Jehova a hala okuninga, ihaashi vulu okuyiwa moshipala kusha. Tseya nkene Jehova a pe Johannes oshinakugwanithwa shokulongekidhila Jesus ondjila. Tsa wo omuthindo nkene Jesus u ulike kutya okwa kala a hokwa uunongo waJehova, okuza kuunona we.
MOSHITOPOLWA SHIKA
OSHIILONGOMWA 68
Elisabet ta mono okanona
Omolwashike omusamane gwaElisabet a lombwelwa kutya ita ka vula okupopya sigo okanona kawo ka valwa?
OSHIILONGOMWA 69
Omuyengeli Gabriel ta talele po Maria
Okwe mu lombwele etumwalaka ndyoka lya lundulula onkalamwenyo ye.
OSHIILONGOMWA 70
Aayengeli taya tseyitha okuvalwa kwaJesus
Aasita yiimuna mboka yu uvu etseyitho kombinga yokuvalwa kwaJesus oya katuka nziya.
OSHIILONGOMWA 71
Jehova ta gamene Jesus
Omukwaniilwa omukolokoshi okwa li a hala a dhipagithe Jesus.
OSHIILONGOMWA 73
Johannes ta longekidhile Jesus ondjila
Johannes okwa ningi omuhunganeki sho a koko. Okwa li a longo aantu kutya Mesiasa ote ya. Aantu oyi inyenge ngiini ketumwalaka lye?
