OSHITOPOLWA 3
Onkalamwenyo oya li ya tya ngiini mOparadisa?
Jehova okwa li a pe Adam naEva iinima iiwanawa oyindji. Genesis 1:28
Jehova okwa shiti omukiintu gwotango, Eva, nokwe mu gandja kuAdam a ninge omukulukadhi gwe.—Genesis 2:21, 22.
Jehova okwa li e ya shiti ye na omalutu nomadhiladhilo ga gwanenena, kaage na nando okapethili kasha.
Egumbo lyawo olya li oshikunino shaEden shoka sha li ehala ewanawa mu na omilonga, omiti dhiiyimati niinamwenyo.
Jehova okwa li ha popi nayo nohe ya nongeke. Oya li taya ka kala nomwenyo sigo aluhe mOparadisa kombanda yevi, ihe ongele owala taya pulakene kuye.
Kalunga okwa li owala e yi indika okulya komuti gumwe. Genesis 2:16, 17
Jehova okwa li u ulukile Adam naEva omuti gumwe moshikunino e te ya lombwele kutya ngele oya li iiyimati yago, oye na okusa.
Omuyengeli gumwe okwa li a tukululile Kalunga oshipotha. Omuyengeli ngoka omukolokoshi oye Satana Ondiaboli.
Satana ka li a hala Adam naEva ya vulike kuJehova. Okwa li a longitha eyoka li lombwele Eva kutya ngele okwa li ko komuti ngoka, ita si shili, ihe ota kala owala a fa Kalunga. Shoka osha li iifundja yo yeneyene.—Genesis 3:1-5.
Opu na ishewe uuyelele mbuka
ESSENTIAL BIBLE TEACHINGS
Omolwashike Kalunga a shiti evi?
Muuyuni omu na iinima oyindji iiwanawa. Kalunga evi okwe li tula pehala li li nawa oshinano shokuza ketango okuya kevi. Olya yeluka nawa nohali dhingoloka pondapo yi li nawa. Omolwashike Kalunga a ninga oonkambadhala dha mana mo, mokushita evi?
OMBIIMBELI OYI NA ETUMWALAKA LINI?
Omushiti okwa li a shitile aantu eviparadisa
Ombiimbeli otayi hokolola ngiini eshito lyaantu? Iipango yini Kalunga a li a pe aaihokani yotango?
