23:1-3

Elondodho ndyoka Jehova a li a pe oonzapo naapanguli uuna taya pangula aantu kutya inaya landula ongundu mokugandja uumbangi wiifundja nenge mboka tawu goyokitha uuyuuki, otali longo wo nomoonkalo dhilwe monkalamwenyo. Aakriste ohaya thiminikwa aluhe kaantu muuyuni mboka ihaaya simaneke Jehova noihaya katuka metsokumwe nehalo lye, ya dhiladhile noyi uhumbate ye ya fa. — Rom 12:2.

Omolwashike kaashi li pandunge okulandula ongundu uuna

• wu uvu ehokololo lyontumba, ihe kapu na uumbangi?

• to hogolola oonguwo, okwiininga nawa momutse nenge omainyanyudho?

• to ungaunga nokudhiladhila kombinga yaantu yomihoko, yomithigululwakalo nenge yoondondo dhi ili nodhi ili?