ONKALAMWENYO YOPAKRISTE
‘Okweetela Jehova oombalagelo’
Omomukalo guni tatu vulu ‘okweetela Jehova oombalagelo’? (1Ondjal 29:5, 9, 14) Otatu vulu okugandja omayambidhidho gopashimaliwa nehalo ewanawa tu ambidhidhe iilonga yetu momagongalo getu nomuuyuni awuhe momikalo dhi ili nodhi ili tadhi landula.
OMAYAMBIDHIDHO NGOKA HAGA GANDJWA OKUPITILA KEPANDJA LYETU LYOKOINTANETA NENGE HAGA TULWA MUUKETHA OHAGA AMBIDHIDHA:
-
IILONGA YOMUUYUNI AWUHE
oya kwatela mo okutunga nokulongitha iitayimbelewa noombelewa dhokutoloka
oosikola dhokudheula aauvithi
aalongi yethimbo lyu udha yi ikalekelwa
okugandja omakwatho uuna pwa holoka iiponga yopaunshitwe
okupilinta iileshomwa, okuninga uuvidio, okutula iinima kointaneta noku yi pungula
-
OMAYAMBIDHIDHO GOOFUTO DHEGONGALO
oga kwatela mo oofuto dhomalusheno, dhomeya nosho wo okupangela nokukaleka Oshinyanga shUukwaniilwa monkalo ombwanawa
uutokolitho awuhe mboka hawu ningwa kegongalo, ohawu ningwa opo iimaliwa yi tuminwe koshitayimbelewa yi ka longithwe:
-
mokutunga Iinyanga yUukwaniilwa noyIigongi muuyuni awuhe
-
mElongekidho lyokugandja omakwatho muuyuni awuhe
-
nomiilonga yilwe muuyuni awuhe
-
IIGONGI YOSHITOPOLWA NOYOSHIKANDJO
Omayambidhidho goshigongi shoshitopolwa ohaga tulwa momayambidhidho giilonga yomuuyuni awuhe. Kungawo, oofuto dhi na ko nasha niigongi yoshitopolwa, yi ikalekelwa noyopaigwana ohadhi futwa nomayambidhidho giilonga yomuuyuni awuhe.
Omayambidhidho goshigongi shoshikandjo ohaga longithwa okuhiila, okulongitha nokukaleka po omahala giigongi nosho wo oofuto dhilwe dhoshikandjo. Oshikandjo otashi vulu okutokola shi tule iimaliwa mbyoka ya hupa kiifutomwa yoposhigongi momayambidhidho giilonga yetu yomuuyuni awuhe.
