Uukwatya wuni ho tala muukuume koye? Otashi vulika wu hole uudhiginini, ohenda nokugandja kwe. Jehova uukwatya awuhe mboka oku wu na. (Eks 34:6; Iil 14:17) Ohe ku pulakene uuna to galikana. Ohe ku kwathele uuna wa pumbwa ekwatho. (Eps 18:19, 35) Ohe ku dhimine po. (1Joh 1:9) Jehova ke shi tuu kuume omwaanawa!

Ongiini to vulu okupanga uukuume naJehova? Ilonga kombinga ye mokulesha Oohapu dhe. Mu lombwela shoka to ipula nasho. (Eps 62:8; 142:2) Ulika kutya owa lenga iinima mbyoka ya simana kuJehova, ngaashi Omwana, Uukwaniilwa we nosho wo omauvaneko ge gonakuyiwa. Lombwela yalwe kombinga ye. (Deut 32:3) Ngele owa kokeke ekwatathano lyopothingo naJehova, ota kala Kuume koye sigo aluhe. — Eps 73:25, 26, 28.

TALA OKAVIDIO AAGUNDJUKA ‘KONAKONENI NE YENE, MU MONE NKENE OMUWA OMWAANAWA,’ E TO YAMUKULA OMAPULO NGAKA:

• Ongiini to vulu okwiilongekidhila eiyapulo neninginitho?

• Ongiini yalwe megongalo taya vulu oku ku kwathela wu longele Jehova?

• Uukalele ohawu koleke ngiini ekwatathano lyoye naJehova?

• Iinakugwanithwa yini to vulu okukala wu na miilonga yaJehova?

• Oshike wu hole kombinga yaJehova?