Iileshomwa yetu oyi na omathano ogendji, ngoka tage tu longo iitsa ya simana. Ongiini to vulu okumona mo uuwanawa mokulongitha omathano ngoka?

• Tala kethano manga inoo lesha oshitopolwa. Omathano otashi vulika ga penduthe ohokwe mungoye noku ku inyengitha wu leshe oshitopolwa. Uuna wu wete iikulya iitoye yi li mokayaha, oho kala wa halelela oku yi lola. Onkene oto vulu okwiipula kutya, “Ondi wete shike?” — Amos 7:7, 8.

• Sho to lesha oshitopolwa, dhiladhila kutya omolwashike omathano ngoka ga hogololwa. Lesha oohapu dhopethano, ngele opo dhi li. Tala nkene omathano ga kwatathana noshikundathanwa, naashoka tage ku longo monkalamwenyo yoye.

• Konima ngele wa mana okulesha, longitha omathano wu endulule iitsa ya simana moshitopolwa. Kambadhala okutala ngele oto dhimbulukwa omathano ngoka momutse nosho wo shoka wa ilonga ko kugo.

• Oto vulu oku endulula omathano ngoka ge li moshifo shika, e to tala ngele oto dhimbulukwa shoka wa ilonga ko kugo.