Owa lesha ngaa nawa Ooshungolangelo ndhoka opo dha piti? Tala ngele oto vulu okuyamukula omapulo taga landula:

Mbela eyono lini Jesus a popi moohapu ndhoka dhi li muMateus 18:15-17?

Okwa li ta popi kombinga yokwaauvathana hoka taku vulu okukandulwa po kwaamboka ya ningathana nayi. Ngele ngoka a yona ina hala okupulakena, opo uupyakadhi wu kandulwe po, kungawo ota vulu okukondwa. Eyono ndyoka Jesus a popi olya kwatela mo iinima ngaashi: okukotokela nenge okulundila. — w16.05 ep. 7.

Uuna to lesha Ombiimbeli, oshike to vulu okuninga wu mone mo uuwanawa?

Oto vulu okuninga iinima tayi landula: Yi lesha wi itula mo e to tala shoka to vulu okwiilonga mo noku shi tula miilonga. Kala ho ipula omapulo ngaashi: ‘Ongiini tandi vulu okulongitha uuyelele mbuka ndi kwathele yalwe?’ Longitha iilongitho mbyoka wu na, wu konge uuyelele kombinga yaashoka to lesha. — w16.05 ep. 24-26.

Mbela osha puka kOmukriste a kale a nika oluhodhi, nonando okwi itaala meyumuko?

Nonando Omukriste oku kale i itaala meyumuko, shoka itashi kutha po oluhodhi ndoka u uvite, omolweso lyaangoka e hole. Abraham okwa li a lili sho omukulukadhi gwe, Sara, a si. (Gen. 23:2) Nonando owu kale wa nika oluhodhi, konima yethimbo oto ka hupula. —  wp16.3 ep. 4.

Memoniko ndyoka li li muHesekiel ontopolwa 9, olye omulumentu e na okakende kohinga, naalumentu yahamano ye na uutati otaya thaneke oolye?

Otu wete kutya otaya thaneke omatangakwiita gomegulu, ngoka ga li ga kutha ombinga mokuhanagula po Jerusalem notaga ka kutha wo ombinga mokuhanagula po uuyuni waSatana puArmagedon. Kunena, omulumentu ngoka e na okakende kohinga ota thaneke Jesus Kristus, ngoka ta ka ndhindhilika mboka taya ka hupa puArmagedon — w16.06 ep. 16-17.

Ombiimbeli oya hupa miinima yini?

(1) Ombiimbeli inayi vula okuyonuka po, nonando oya li ya nyolwa miinima mbyoka hayi vulu okuyonuka po nuupu, ngaashi Opapilusa nOpergamendi. (2) Ombiimbeli oya hupu, nonando opwa kala omapataneko okuza kaanapolotika naawiliki yomalongelokalunga oyendji mboka ya kambadhala oku yi hulitha po. (3) Ombiimbeli oya hupu, nonando opwa li yamwe mboka taya kambadhala okulundulula etumwalaka lyayo. — wp16.4 ep. 4-7.

Omomikalo dhini Omukriste ta vulu okweetha po iinima mbyoka tayi mu imbi a konge tango Uukwaniilwa?

Tala kutya oshike naanaa wa pumbwa e to kutha po iinima ayihe mbyoka inoo pumbwa. Kala wu na omutengenekothaneko. Ekelahi iinima mbyoka ihoo longitha nokufuta oongunga dhoye adhihe. Shonopeka ethimbo ndyoka ho longitha miilonga yoye e to tala nkene to vulu okutamununa mo uukalele woye. — w16.07 ep. 10.

Oshike shoka Ombiimbeli ya popya shi na ongushu yi vule yoshingoli nenge yoshisiliveli?

Job 28:12, 15 otadhi ulike kutya uunongo mboka hawu zi kuKalunga, owu vule oshingoli nenge oshisiliveli. Sho to wu kongo, kambadhala okukala omwiifupipiki nowu na eitaalo lya kola. — w16.08 ep. 18-19.

Mbela osho opala komumwatate a kale e na oombenzi?

Momithigululwakalo dhimwe, osha taambiwa ko okukala wu na oombenzi dha kululwa nawa. Ihashi ningitha nando aantu ya kale inaaya hala okupulakena ketumwalaka lyetu. Nonando ongawo, aamwatate yamwe otashi vulika ya tokole ya kale kaaye dhi na. (1 Kor. 8:9) Momithigululwakalo dhilwe nenge pomahala galwe, oombenzi inadhi taambiwa ko, naauvithi Aakriste inaya pitikwa okukala ye dhi na. — w16.09 ep. 21.

Omolwashike tatu vulu okwiinekela shoka Ombiimbeli ya popya kombinga yaDavid naGoliat?

Omuthika gwomulumentu omule ngoka a popiwa pethimbo lyetu, ogu vulike 15 cm komuthika gwaGoliat. Emanya lyonale ndyoka lya nyolwa oohapu tadhi popi kombinga yegumbo lyaDavid nosho wo shoka Jesus a popi kombinga ye, otashi ulike kutya David okwa li omuntu gwolela. Uuyelele kombinga yehala mpoka ya li taya kondjo owoshili. — wp16.5 ep. 13.

Owino oya yooloka ko ngiini kontseyo neuvoko?

Omuntu ngoka e na ontseyo oha kala e shi uuyelele woshinima. Ngoka e na euvoko oha vulu okumona nkene uuyelele wontumba tawu tsu kumwe nuukwawo. Ngoka e na owino oha kala e na ontseyo neuvoko lyoshinima noha vulu oku yi longitha momukalo omwaanawa. — w16.10 ep. 18.