Dai Grup Kërls wat Jehovaa sijne arbëd lenkt is ain klain grup fon reäl kërls. Dës kërls helpe Jehovaas Tüügen ine ganse wild. Sai häwe oiwer sich twai daile:

•   Sai daue inrichte wat inlërt wart in oos buiker, in oos forsamlunge un in oos schaule. (Lucas 12:42)

•   Sai häwe uk oiwer sich uppasse dai arbëd fon Jehovaas Tüügen ine ganse wild un uk dai preegarbëd un wosoo wart dat gild benutst wat wij mit fraiwile geewe.

 Dai Grup Kërls wat Jehovaa sijne arbëd lenkt måke dat neemlig wat dai apostels un dai ülster maike in Jerusalém. Dës kristen däire uutsuiken måke tau dai ganse gemainde. (Atos 15:2) Hüütsendåg, dai wat Jehovaa sijne arbëd lenke sin ni soo as schefs oiwer dai gemaind. Sai suike formånungs ine Bijbel un sai waite dat Jehovaa hät Jësus Kristus uutsöcht soo as her oiwer dai gemaind. (1 Coríntios 11:3 un Efésios 5:23)

 Dai bruirers David Splane, Gage Fleegle, Geoffrey Jackson, Gerrit Lösch, Jeffrey Winder, Kenneth Cook Jr., Mark Sanderson, Samuel Herd un Stephen Lett tauhööre tau dëse grup. Sai arbëre in dai Betel in Warwick, New York, Estados Unidos.

 Dai wat Jehovaa sijne arbëd lenke häwe söss grups måkt taum dai arbëd uppasse. Jërer ainsig fon dai wat Jehovaa sijne arbëd lenke däit tauhööre tau ain urer mër grups.

•   Grup Kërls wat oiwersaie daue: Däit dai daile uppasse wat up gericht smeete ware un helpe Jehovaas Tüügen wen sai slecht behanelt ware urer wen air unglük passijrt.

•   Grup Kërls wat dai lüür uppasst: Däit dai betelitas uppasse.

•   Grup Kërls wat dai updrüken uppasst: Dës grup hät oiwersich uppasse dai arbëd fon updrüken un tau dai gemainde henschike oos buiker un andrer daile. Dës grup däit uk uppasse dat buugen fon Betéis, fon forsamulung stel un fon dai stel wat wij benutse taum dai daile up andrer språke nåsrijwe.

•   Grup Kërls wat dai arbëd uppasst: Däit dai preegarbëd uppasse ine ganse wild. (Mateus 24:14)

•   Grup Kërls wat dai inlëren beraide: Dës grup hät oiwersich dat wat inlërt wart in oos forsamlunge, in oos schaule un in oos áudios un vídeos.

•   Grup Kërls wat dat srijwen beraide: Dës grup hät oiwersich dai daile srijwe wat wij benutse taum oose gloobe stärke un oose site. Dai däit uk dai arbëd uppasse taum dai daile nåsrijwe taum andrer språke.

 Dai wat Jehovaa sijne arbëd lenke, daue mit dës grups arbëre. Åwer uk ais upe week sai dau sich forsamle taum fortele oiwer wat oos bruirers un swester bruuke ine ganse wild. In dës forsamlung sai måke upsuiken ine Bijbel un Jehovaa sijn kraft däit eer helpe dat sai gaure uutsuiken måke koine. (Atos 15:25)

 Sin reäl kërls wat helpe dai grups woo wij al oiwer fortelt häwe. (1 Coríntios 4:2) Sai benutse wat sai waite un forståe taum dai grups helpe. Jërer ainsig fon dai höört tau tau ain grup. Sai daue kain uutsuiken alaine måke, åwer sai geewe formånungs dat dai daile gaud uutsöcht ware. Sai koine uk uutsöcht ware fon dai wat Jehovaa sijne arbëd lenke taum dai bruirers un swesters besuike ine ganse wild urer bijblisch preeg måke, soo as in dai forsamlung wat ais upt jå måkt wart un in Gilead.