Doir Jësus sijne dood, kan God dai lüür fone süün un fon dem dood fraimåke. Dai Bijbel sägt dat dat blaud wat Jësus schürt hät is dai prais taum fraimåken betåle. (Efésios 1:7 un 1 Pedro 1:18 un 19) Is dårweegen dat Jësus sägt hät is hai upt ër kåme, taum “sij leewend geewe taum aine prais betåle in feele eer stel”. (Mateus 20:28)

Woweegen wäir nöörg aine prais betåle in feele eer stel?

 Adam, dai airst kërl, is måkt woore åne fëgel urer åne süün. Hai har küüt leewe up ümer, åwer hai hät dit ales besijdlåte as hai uutsöcht hät God ni horge. (Gênesis 3:17 bet 19) Dai süün is soo as air fëgel. Un as Adam kiner hat hät dai häwe dës fëgel urer süün fon em ärbt. (Romanos 5:12) Dårweegen sägt dai Bijbel dat Adam sich un sijn kiner soo as eskrav tau dai süün un der dood forköft hät. (Romanos 7:14) Dat al dai lüür fon Adam kåme daue, kair foir eer küün tröögbetåle wat Adam im stig låte har. (Salmo 49:7 un 8)

 Dai wat fon Adam kåme däire wüste ni wat nog mit eer ware däir. Åwer God hät eer beduurt. (João 3:16) Dat wäir ni gerecht, wen God bloos dat besijdlåte har der eer süün wat fon Adam kåme däire. (Salmo 89:14 un Romanos 3:23 bet 26) Dårweegen dat God gerecht is, hät hai besorgt prais taum fraimåke doir Jësus tau oos süün forgeewe un sogår uutlösche. (Romanos 5:6 bet 8)

Wat is dai prais taum fraimåken?

 Wiman as drai daile saie wat dai Bijbel sägt oiwer dai prais taum fraimåken:

1.   Is air betålen. (Números 3:46 un 47)

2.   Is air fraimåken. (Êxodo 21:30)

3.   Dai prais is oiwerain as dat wat betålt wart. a

 Wiman as saie wosoo dës drai daile wat besägen häwe mit Jësus Kristus sijn prais taum fraimåken:

1.   Betålen. Dai Bijbel sägt dat dai kristen köft woore sin doir aine prais. (1 Coríntios 6:20 un 7:23) Dës prais is Jësus sij blaud wääst woo hai lüür köft hät tau God foir ale stame, språke, folk un gëgende. (Apocalipse 5:8 un 9)

2.   Fraimåken. Doir Jësus sijne dood is mööglig frai ware fon dai süün. (1 Coríntios 1:30, Colossenses 1:14 un Hebreus 9:15)

3.   Glijkhët. As Jësus doodbleewe is, hai hät sij leewend åne fëgel geewt grår soo as Adam häwe däir airer as hai süün måkt hät. (1 Coríntios 15:21, 22, 45 un 46) Dai Bijbel sägt: “Weegen, soo dat bloos air ni horgt hät [Adam], feel sin süündig woore, soo uk, doir bloos air wat horgt hät [Jësus Kristus], feel ware gerecht.” (Romanos 5:19) Dës spruch däit uutdüüre wosoo as air ainsig kërl sij dood, dai süün for feel betålt hät. Soo Jësus sij dood is air oiwerain prais taum fraimåken. Un ale dai wat måke wat nöörg is krijge hülp doir Jësus sijne dood. (1 Timóteo 2:5 un 6).