Dai Bijbel is kair airst best bauk. Dai wöör wat dår ståe kåme fon dem wat oos måkt hät. (2 Timóteo 3:16) Dårweegen dai beschaid fone Bijbel kan oos leewend gans aners måke. Dai Bijbel sägt: “God sij Woord is leewig un hät kraft.” (Hebreus 4:12) Dai Bijbel kan oos leewend beeter måke up twai årts: dai giwt oos belëren dag for dag un helpt oos God kenelëre un dat wat hai forspråke hät. (1 Timóteo 4:8 un Tiago 4:8)

Dai Bijbel kan dij dag for dag belërung geewe. Dit Bauk hät formånen wat dij helpe kan in dij aigen leewend. Soo as:

• Beeter ümgang häwe mit andrer. (Efésios 4:31 un 32; 5:22, 25, 28 un 33)

• Gesund sin im körper un in forneemen. (Salmo 37:8 un Provérbios 17:22)

• Waite wat richtig un forkërd is. (1 Coríntios 6:9 un 10)

• Besorge taum ernäären häwe. (Provérbios 10:4; 28:19 un Efésios 4:28) *

Wiman’s fortele oiwer ain jong fruug un kërl fon Ásia wat dai formånen fone Bijbel feele wërd geewe. Soo as feel wat kord tijd forfrijgt sin, dat wäir ni licht tau eer sich gaud t’hoop forståe un gaud t’hoop fortele. Wat hät eer hulpe? Någåe nå dai formånen fone Bijbel. Dai kërl, Vicent, hät sägt: “Dat wat ik leest häw ine Bijbel hät mij hulpe dai eelend mit lijb int raich bringe. Oos forfrijgt leewend is feel beeter woore as wij anfånge häwe nåleewe nå dai formånen fone Bijbel.” Em sijn fruug, Annalou, hät sägt: “Leese oiwer dai lüür woo dai Bijbel oiwer fortelt hät oos sër hulpe. Nuu, is oos forfrijgt leewend sër fröölig un ik bij freere mit dat wat wij måke wile.”

Dai Bijbel helpt dij God kenelëre. Vicent hät saie dat dai Bijbel ni bloos em hulpe hät in sij forfrijgt leewend. Hai hät sägt: “Dat leesen fone Bijbel hät måkt dat ik näiger an Jehovaa God kåme däir soo as nij as ais.” Dai Bijbel leese däit dij uk helpe. Dai formånen fone Bijbel någåe helpt dij air beetet leewend häwe, un nog mër, duu kast aine gaure ümgang mit God häwe. Uk duu däist lëre oiwer dai tijd wat nog kümt: God hät oos forspråke geewe dat “wår leewend”, wat up ümer is. (1 Timóteo 6:19) Dit fijne wij in kair anerd bauk.

Duu kast dij leewend nuu uk beeter måke un mër oiwer God lëre. Dårtau, must duu anfänge dai Bijbel leese un ni nålåte. Wen’s duu leese däist, kan sin duu däist ni ales forståe. Dat is mit aim passijrt wat 2 duusend jåre lang trööguut leewt hät. Hai wäir air mësch fon dai regirung fon Etiópia un hai däir ni genau forståe wat hai ine Bijbel leese däir. As em frågt woore is of hai forståe däir wat hai leese däir, hät hai antwoort: “Woo kan ik dat forståe wen dår kair is wat mij inlërt?” * Dun, hät hai Filipe sijn hülp annåme, air wat Jësus någåe däir un däir dai Bijbel gaud kene. (Atos 8:30, 31 un 34) Dau an dëse etíope mësch andenke wen’s duu dij ni sicher dåroiwer büst. Taum mër oiwer dai Bijbel lëre, forlang dij ain bijbelstuun in der site jw.org urer sriw nå ain fon dëse stele wat in dit dün bauk stäit. Duu kast uk mit Jehovaas Tüügen fortele urer duu kast air fon oos forsamlung huus besuike in dijn gëgend. Den, neem hüüt glijk ain Bijbel un erlaubt dat dai dij helpe däit air beetet leewend häwe!