TAU DAI PAPA UN MAMA
5: Gaud t’hoopfortele
WAT BEDÜÜRT DAT?
Gaud t’hoopfortele bedüürt onglig t’hoop mit dijne kiner fortele oiwer dat wat jij denke un forneeme.
WOWEEGEN HÄT DAT FEELE WËRD?
Mit dai juugende fortele kan ni licht sin. Air bauk a oiwer mit dai juugende t’hoop fortele sägt, “kan sin dat’s duu groote wërd hast in dijn kind sij leewend. Åwer nuu, häst duu dat ni mër.” Kan sin duu mainst dat ni, åwer in dai juugende jåre is woo dij kind mër mit air fortele mut!
WAT KAST DUU MÅKE?
Forsuik fortele mit dijn kind in dai stuune wat beeter tau dem is. Lijkerst wen dat bedüürt mit dem fortele spår ine nacht.
“Kan sin duu däist säge: ‘Wilst duu nuu mit mij fortele? Wij sin de ganse dag t’hoop wääst!’ Åwer muite wij brumle dåroiwer wen oos kiner mit oos fortele wile oiwer air dail wat groote wërd tau eer hät? Dai papa un mama wile dat eer kiner dat måke, is ni wår?” - Lisa.
“Ik dau ni gërn spår slåpe gåe. Åwer dat best fortelen wat ik al hat häw mit mijn kiner ine juugende tijd, is wääst nåne halwe nacht.” - Herbert.
WAT SÄGT DAI BIJBEL? “Dat jërer ainsig bijblijwt ni sijne aigen wile suike, åwer der ande mësche sijne.” (1 Coríntios 10:24)
Dau dij anstrenge taum dij ni forstööre låte. Air papa hät sägt: “Wekmåls wen mijn kiner mit mij fortele daue, ik blijw dröömig un sai daue dat glijk forspoire!”
Wen dat uk soo mit dij passijre däit, den, dau de televison uutmåke un de celular un tablet besijdlåte. Dau nå uppasse wat dij kind sägt. Wijs dat’s duu dij bekümre däist mit dat wat dai doirset, lijkerst wen’s duu mainst dai däit sich tau dul häwe.
“Wij muite klår tau oos kiner låte dat dat wat sai forneeme, hät groote wërd tau oos. Wen sai sich ni dåroiwer sicher sin, oos kiner daue ni mër mit oos fortele un daue hülp fone andrer forlange.” - Maranda.
“Dau ni wüütend ware, nog wen dat wat dij kind sägt ni richtig is.” - Anthony.
WAT SÄGT DAI BIJBEL? “Daut gaud uppasse soo as jij hööre.” (Lucas 8:18)
Dau gaud dai tijd dag for dag benutse. Wekmåls dai juugende maine is feel lichter mit eer papa un mama fortele wen sai ni in eer gesichte kijke.
“Wen wij t’hoop woo henfuire, wij daue gaud dai tijd benutse taum fortelen. Is beeter fortele wen wij an eer sijr sin as foir eer.” - Nicole.
Dai stuun taum eeten, is ain gaur tijd taum oiwer feel daile fortele.
“In dai åwendbrood stuun, wij daue ümer fortele air taum ande wat gaud urer slecht passijrt is in dem dag. Dat löt oos ainig un giwt oos sicherhët dat wij ni dai slime daile alaine doirsete bruuke.” - Robin.
WAT SÄGT DAI BIJBEL? “Ale muite trecht sin taum höören, åwer muite langsåm sin im fortelen.” (Tiago 1:19)
[Nåt]
a Tem fom bauk up englisch: Breaking the Code.
Kan sin dat dit dij uk gefale däit
INLËREN FONE BIJBEL
Hülp tau dai jonges un määkes
Dau ruuterkrijge wosoo dai Bijbel dai jonges un määkes helpe kan mit dai slime daile wat sai mëstümer doirsete daue.
