KAPITEL 01
Wosoo kan dai Bijbel dij mithelpe?
Dai mëste lüür daue sich fråge oiwer dat leewend, dai dood, oiwer dai slechte daile wat passijre un oiwer dai tijd wat nog kümt. Wij daue oos bekümre mit feel daile in oos leewend, soo as oos familg ernääre un wosoo ain fröölig familg häwe. Feel lüür häwe waiten kreege soo’s dai Bijbel hät feel gaure antwooren un däit oos uk inlëre wosoo ain gaur un fröölig familg häwe. Däist duu aine kene wat uk dai Bijbel eer mithelpe kan?
1. Wat sin wek frågen wat dai Bijbel antwoore däit?
Dai Bijbel däit frågen antwoore soo as dës: Fon woo kümt dat ales heer wat geewe däit? Wotau leewe wij? Woweegen daue slechte daile passijre? Wat däit passijre wen air mësch doodblijwe däit? Woweegen giwt dat sofeel krijg wen dai lüür freere häwe wile? Wat däit passijre mit dai Ër? Is ni forkërd dës frågen måke. Feel lüür häwe ruuterkreege soo’s dai Bijbel däit dës frågen sër genau antwoore.
2. Wosoo kan dai Bijbel oos helpe fröölig sin?
Dai Bijbel däit oos sër feel gaure daile inlëre. Dai wijst oos wosoo ain fröölig familg häwe, helpt oos mit wen wij unruig sin, helpt oos taum fröölig sin in oose arbëd. Duu däist lëre oiwer dit un uk oiwer andrer daile. Kan sin duu däist denke soo as dai Bijbel sägt, “dai gans Sriwt [urer dai gans Bijbel] is . . . gaud”. (2 Timóteo 3:16)
Dës bauk is ni beeter as dai Bijbel, åwer helpt oos dai Bijbel beeter forståe. Den dau dij anstrenge taum leesen dai sprüüch wat hijr in ståe, dat wat’s duu lëre däist mut t’hooppasse mit dat wat dai Bijbel sägt.
DAU MËR LËRE
Dau lëre wosoo dai Bijbel dai lüür mithelpe däit, wosoo koine wij lijre dai Bijbel leese un woweegen is gaud hülp häwe taum forståe wat dai Bijbel sägt.
3. Dai Bijbel däit oos lüchte in dai weeg woo wij gåe muite
Dai Bijbel is soo as ain stark licht. Däit oos helpe uutsuiken måke un däit uk wijse wat passijre däit in dai tijd wat nog kümt.
Lees Salmo 119:105 un nåheer fortel oiwer dai frågen hijr uuner:
-
Dai wat dës Salm sreewe hät, wat däir hai maine oiwer dai Bijbel?
-
Wat däist duu maine oiwer dai Bijbel?
4. Dai Bijbel kan oos frågen antwoore
Sai ais woo dai Bijbel ain schaullërersch sin frågen antwoort hät wat sai al feel jåre har. Kijk dai VIDEO un nåheer fortel oiwer dai frågen hijr uuner:
-
In dai video wat fon frågen har dai schaullërersch?
-
Wosoo dai Bijbel lëre hät eer hulpe?
Dai Bijbel däit säge soo’s wij schåle dai antwooren fijne tau oose frågen. Lees Mateus 7:7 un nåheer fortel oiwer dai fråg hijr uuner:
-
Wat fon frågen wilst duu gërn waite wat dai Bijbel antwoore däit?
5. Dai Bijbel lëre kan dij gefale
Feel lüür däit dat gërn gefale dai Bijbel leese un dit is ain groot hülp tau eer. Kijk dai VIDEO un nåheer fortel oiwer dai frågen hijr uuner:
-
In dai video, woweegen däire dai juugende eer ni gefale leese?
-
Åwer woweegen däit eer gefale dai Bijbel leese?
Dat wat ine Bijbel stäit, däit oos trööste un giwt oos hofnung. Lees Romanos 15:4 un nåheer fortel oiwer dai fråg hijr uuner:
-
Dat wat dai Bijbel sägt, däit oos trööste un giwt oos hofnung. Wilst duu mër hijr oiwer waite?
6. Andrer lüür koine oos helpe dai Bijbel forståe
Feel maine soo’s dai Bijbel t’hoop lëre mit aim is beeter as dai alaine lëre. Lees Atos 8:26 bet 31 un nåheer fortel oiwer dai fråg hijr uuner:
-
Wosoo koine wij dai Bijbel forståe? (Sai dai sprüüch 30 un 31)
In Atos bauk leese wij oiwer air mësch wat hülp bruuke däir taum God sij Woord forståe. Feel maine soo’s dai Bijbel t’hoop lëre mit aim is beeter as dai alaine lëre.
WEK DAUE SOO SÄGE: “Loont ni dai Bijbel lëre.”
-
Wat däist duu säge un woweegen?
WAT HÄWE WIJ HIJR LËRT?
Dai Bijbel däit oos sër feel gaure daile inlëre, däit dai frågen antwoore wat wij måke daue un däit oos trööste un hofnung geewe.
Denk dij ais nå
-
Wat fon gaure daile däit dai Bijbel oos inlëre?
-
Wat fon sin wek frågen wat dai Bijbel antwoore däit?
-
Wat wilst duu gërn lëre oiwer dai Bijbel?
TAUM MËR WAITE
Sai ais dai formånen fone Bijbel geewe ümer richtig.
“Dai formånen fone Bijbel ware ni uld” (Wat Bekandmökt, numer 1 2018)
Sai ais woo dai Bijbel aine mësche mithulpe hät, wat slecht gedanken oiwerståe kreege hät.
Sai ais dai formånen fone Bijbel taum ain fröölig familg häwe.
“12 hülps taum ain fröölig familg häwe” (Wåkt Up!, numer 2 2018)
Feel säge God hät dat wild ine hand, åwer is dat wirklig soo? Sai ais wat dai Bijbel sägt.
Woweegen loont sich dat, dai Bijbel lëre? - Gans video (3:14)
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen. Duu kast dijn gans familg urer dijn fründe nööge taum dai Bijbel lëre t’hoop mit dij.
