KAPITEL 13
Wat däit mit dai religioone passijre?
1. Sin ale religioone gaut?
In ale religioone sin lüür wat sër God gefale wile. Un God bekümert sich mit dës lüür. Åwer dai religioone måke feel slecht daile. (2 Coríntios 4:3, 4; 11:13-15) Dai jornals säge dat dai religioone mithelpe feel lüür mit ais doodmåke un im krijg. Un feelmåls dai praisters un andrer religioonschefs daue dai kiner angåe taum slechtigkët mit eer bedrijwe. Dai lüür wat God lijbe ware sër traurig mit dit ales. — Lees Mateus 24:3-5, 11, 12.
Un nog, dai falsche religioone daue loigen oiwer God inlëre un wat mit dai doore passijrt. Dat däit God ni ëre. Jehovaa wil dat dai lüür dai wårhët waite. Dai wår religioon däit inlëre wat ine Bijbel is. — Lees Eclesiastes 9:5, 10; 1 Timóteo 2:3-5.
2. Wat däit mite religioone passijre?
Bald däit God dai religioone uutrote wat dai lüür belaige. God süüt wat dai religioone måke. Den, dau dij kain kopbreeken måke. Loont ni wen ain religioon sägt däit God lijbe, åwer mökt wat Em ni gefale däit. (Tiago 4:4) Dai Bijbel nent al dai falsche religioone soo as “Babilon, dai Groot”, un sägt dat dai uutrot wart. Babilon wäir dai nåme fon aine früüsche stat in Nooe sijn tijd. Is dår woo dai falsch religioon anfunge hät nådem Groote Reege. — Lees Apocalipse 17:1, 2, 5, 16, 17; 18:8.
Wat passijrt mit dai lüür wat God gefale wile un sin nog in dai falsche religioone? Jehovaa hät dai ni forgeete. Hai däit eer nog tijd geewe dat sai lëre wat ine Bijbel stët un gåe ruuter uut dai falsche religioone. — Lees Miqueias 4:2, 5.
3. Wat muite dai lüür måke wat God lijbe?
Dai wår religioon däit dai lüür inlëre sich ainig sin
Jehovaa sägt dai lüür wat dai wårhët lijbe muite uut dai falsche religioone ruutergåe. Hai bekümert sich sër mit dës lüür. Wee God lijbt nimt an wat hai sägt. — Lees Apocalipse 18:4.
In der apostels sijn tijd, feel lüür häwe dai gaure nijges fon God lërt wat sai inlëre däire. Dai häwe lërt soo leewe as God gefale däir un häwe ain fain hofnung kreege tau dai tijd wat nog kümt. Wij koine dat soo måke as dës lüür. Jehovaa horge mut dat oiwerst dail in oosem leewent sin. — Lees 1 Tessalonicenses 1:8, 9; 2:13.
Jehovaa wil sër gërn dat dai lüür uut dai falsche religioone ruutergåe un daue tauhööre tau sijn lijblig famijlg ine ganse wild. Wen’s duu dat måke däist, den kast duu Jehovaa sij grootfründ sin, tauhööre tau sijm folk un up ümer leewe. — Lees Marcos 10:29, 30; 2 Coríntios 6:17, 18.
4. Wat fone gaure beschaid hät God tau al dai lüür?
Der gaure beschaid is dat dai falsche religioone uutrot ware. Dat bedüürt dat dai lüür frai ware. Kair wart mër belåge. Ale daue den der ainsig wår God dijne soo as hai wil. — Lees Apocalipse 18:20, 21; 21:3, 4.
