Jërer jår daue Jehovaas Tüügen un feel andrer lüür sich t’hoop forsamle taum dat Åwendmål fon dem Her. Jësus hät sägt wij schule dat måke. (Lucas 22:19) Dat Åwendmål fon dem Her helpt oos forståe woweegen as Jësus sij dood groote wërd hät tau ale lüür un helpt oos uk forståe wosoo as dat oos mithelpe däit hüüt un in dai tijd foiruut. (João 3:16)

 Hät nischt sägen of’s duu dat Åwendmål fon dem Her taukeeke häst urer ni, duu kast dai seegens krijge wat Jësus sij dood oos bringe däit. Åwer, wat must duu måke dårtau? Jësus hät sägt wij muite 2 daile måke:

1.  1. Oiwer God un oiwer Jësus lëre. In ain gebeed wat Jësus tau sij Fåter im himel måkt hät, hai hät sägt: “Dit bedüürt leewend up ümer: dat sai dij kenelëre, dai ainsig wår God, un der wat’s duu schikt häst, Jësus Kristus.” (João 17:3)

2.  2. Leewe nå dat wat wij lëre. Jësus hät weese wij muite leewe nå dat wat hai oos inlërt hät. In aine bekand preeg wat Jësus måkt hät, hai hät ale dai låwt wat em hööre däire un leewe däire nå dat wat hai inlëre däir. (Lucas 6:46 bet 48) Anerd mål hai hät uk sägt: “Wen jij dit waite, un dit soo måke, ware jij fröölig.” (João 13:17)

 Wilst duu mër oiwer God un oiwer Jësus lëre? Wilst duu waite wat’s duu måke must taum leewe nå dat wat’s duu lëre däist? Sai wek daile wat dij helpe koine:

 Oos kurs fone Bijbel is ümsüss un helpt feel lüür oiwer dai Bijbel lëre. Dës kurs fone Bijbel helpt eer uk leewe nå dat wat sai ine Bijbel lëre daue.

•   Taum mër waite lees in oose site dat stük “Ain kurs fone Bijbel mit air mësch wat dij inlërt”.

•   Taum waiten wosoo is dai Bijbel lëre mit Jehovaas Tüügen, kijk der video “Woo gaud dat’s duu dai kurs fone Bijbel anfänge däist!”.

 2 måls upe week daue Jehovaas Tüügen sich t’hoop forsamle. Up dës forsamlunge lëre wij dai Bijbel un uk wosoo koine wij leewe nå dat wat dai Bijbel inlërt.

 Duu kast dës forsamlunge taukijke lijkerst wen’s duu kair Tüüge fon Jehovaa büst. Up wek stele kast duu uutsuike up dai forsamlunge hengåe urer dai kijke doir dai internet.

•   Taum mër waite oiwer oos forsamlunge kijk der video “Wosoo sin Jehovaas Tüügen sijn kristlig forsamlunge?”.

•   Taum ain stel fijne woo oos forsamlunge måkt ware lees in oos site dat stük “Forsamlunge oiwer dai Bijbel fon Jehovaas Tüügen”.

 In oose site wij häwe feel daile taum leesen un uk videos wat oos mithelpe daue oiwer Jësus sij leewend lëre un uk woweegen Jësus sij dood hät groote wërd tau oos.

 Taum waiten wosoo bloos air kërl sij dood sër feel lüür mithelpe kan, lees der artikel “Wosoo däit Jësus rere?” un uk der kapitel 27 fon dat bauk Leew up ümer lustig! mit dat tem “Wosoo Jësus sij dood dij rere kan?”. Duu kast uk der video kijke “Woweegen hät müst Jësus doodblijwe?”.