Up kair stel upe wild häwe dai lüür un dai politik freere kreege. Fon dai airst wildkrijg an, dai daile sin swöner woore un hüüt saie wij krijge un gewaldigkët wijd un braid. Ain firtel lüür upe wild - bijnå 2 biljone lüür - wåne up stele woo dat gefärlig is.

 Woweegen häwe dai lüür kaine freere? Wat sägt dai Bijbel?

1.  1. Freere häwe is ni ainfach weegen dai daile wat dai lüür måke. Dai Bijbel hät foiruutsägt wosoo as dai lüür wööre in oos tijd: “Weegen dai lüür ware bloos sich selwst lijbe, dat gild lijbe, ware sich pråle, ware groosartig sin, . . . ni reäl, . . . wile ni oiwerain kåme, . . . ware sich ni selwst hule krijge, wüütend, . . . dikköpig, ful mit stols.” (2 Timóteo 3:2 bet 4)

2.  2. Ån Jehovaa a - dai Her God wat dai lüür måkt hät - krijge ni dai lüür een problems ine raich bröcht. Dai Bijbel sägt: “Höört ni dem mësche tau, nijmåls sijn sride lenke.” (Jeremias 10:23)

3.  3. Dai Düüwel is slecht un däit dës wild regijre. Dai Bijbel sägt dat hai ‘dai gans ër forfuire däit’. (Apocalipse 12:9) Solang as ‘dai wild uuner dem Düüwel sijn macht is’, ware ni dai daile beeter. (1 João 5:19)

 Dai Bijbel sägt bald daue wij im freere leewe, åwer ni doir dai lüür. God däit der freere tau oos bringe.

•   “‘Weegen ik wait sër gaud wat ik ine gedanke tau juuch häw’, sägt Jehovaa. ‘Ik wil dat jij freere häwe, ni unglük. Ik wil tau juuch geewe ain gaur tijd wat nog kümt un ain hofnung’.” (Jeremias 29:11)

 Wosoo däit God dat måke? “Dai God wat freere giwt däit bald Satan forkwetsche.” (Romanos 16:20) “God sij Regirung” däit freere bringe taum dai gans wild. (Lucas 4:43) Wen Jësus Kristus, dai köönig fon God sij Regirung dai gans wild regijre däit, daue dai lüür lëre wosoo as sai im freere leewe koine. (Isaías 9:6 un 7)

•   Taum mër dåroiwer waite, lees der kapitel 33 fon dat bauk Leew up ümer lustig!, mit dai tem “Wat däit God sij Regirung bald måke?”.