Tikada kudakajisa Jehovha, tinodikana kuzwira mundhu umweni mukuru. Pamakore akawanda akakhirira acito arura Adhamu, mugore, Jehovha wakarura mundhu wo kumujimu anosimba.

Pakufamba ko nguva, Jehovha wakatuma mundhu uu kuti abahwe mu Bheterehema ngo mbhandhwe yaizwi Maria. Mwana endhoo wakaduhwa zina rokuti Jesu.—Johani 6:38.

Inga mundhu pasi pano, Jesu wakatatija mugariro ja Mwari mu njira yakaperera. Iyena wainga akapfava, anorudo zve waikhwederereka. Waijijisa vamweni zvokadi ngo ndava ya Jehovha acingathyi.

Jesu wakarapazve vanohwaja zve wakamusa vamweni mu vakafa.

Vatungamiriri vo manamatiro vakazonda Jesu ngokuti waisia pambhene jijiso javo jo kunyepa zve njira javo jakashata.

Vatungamiriri vo manamatiro vakacengeja vaRoma kuti vatake Jesu zve vamuuraye.