Kuti vadakajise Mwari, vajiji vo Bhaibheri vanodikana kuvangisa rutendo hwavo. (Vah. 11:6) Tingavabesera kuita izvi ngo kushandisa bhuku Mungadakara Kwenda no Kwenda! Mu bhuku iri tinowana mavhesi anosisira, muvhunjo jinoita kuti mujiji anase kurangarira, mavhidhiyo anobesera no mafoto akaseja. Patinonga tecibesera vajiji vo Bhaibheri kuti vave no mugariro jo Cikristu no kuvangisa ushamwari hwavo na Mwari tinonga tecivaka ngo zviro zvicikapsi ngo muriro.—1 Vak. 3:12-15.

Vandhu vamweni vanorangarira kuti zvinonesa maningi kuva shamwari ya Mwari ngokuti avakwanisi kumuvona. Ngo kudaro tinodikana kuvabesera kuti vazive Jehovha no kumuthemba.

VONANYI VHIDHIYO INOTI VANGISANYI RUTENDO KUNA JEHOVHA, NGO KUSHANDISA BHUKU RINOZWI “MUNGADAKARA KWENDA NO KWENDA!” PERAPO DAVIRANYI MUVHUNJO JINOTEVERA:

• Tinozvizivisa kudini kuti hambzaji iyi yanasa kunasirira ushoni kuitira jijo?

• Hambzaji iyi yashandisa kudini muvhunjo jo kuengejera kuti ibesere mujiji wayo kuti anange mazwiro ake ngo pamusoro pa Isaia 41:10, 13?

• Vhidhiyo no mavhesi zvakapsasisa kudini mujiji uu?

Vandhu vazinji avazivi zvizinji ngo pamusoro po muripo, kana avavoni muripo inga cipo cinovha kuna Mwari. (Vag. 2:20) Ngo kudaro, tinodikana kuvabesera kuti vavangise rutendo hwavo ku muripo hwa Jesu.

VONANYI VHIDHIYO INOTI VANGISANYI RUTENDO KUNA JESU, NGO KUSHANDISA BHUKU RINOZWI “MUNGADAKARA KWENDA NO KWENDA!” PERAPO DAVIRANYI MUVHUNJO JINOTEVERA:

• Tinozvizivisa kudini kuti hama iyi yanasa kunasirira ushoni kuitira jijo?

• Hama iyi yakashandisa kudini masoko ari pa divi rinoti “Zivanyi Zvimweni” kuti ibesere mujiji wayo?

• Ngenyi kuita mukumbiro pamwepo no mujiji zvinosisira?