4:16-18

Rangariranyi, mbhuri mbiri jinogara mu nyumba imwe iciripizve ushoni. Mbhuri imwe yakasuruvara ngo mugariro o nyumba. Mukusiyana, imweni yakadakara. Ngenyi? Mbhuri yocipiri inoda kuthutha kwenda ku nyumba imweni yakaseja.

Pikija “bzakaruhwa bzese bzinogomera, bzecitambujika, bzese pondhopo, inga pakubara, mbhera na nyamasi,” vashandiri va Mwari vanovangiswa ngo vetero yavanayo. (Rom 8:22) Tinoziva zvineso zviripo nyamasi, pikija zviya zviri kutinesa ko makore mazinji, ngo zvo ‘nguva doko zve zvakareruka’ mukuezanisa no upenyu mu nyika impsa ya Mwari. Kudari tikabatikana pa makomborero anozoviiswa ngo Umambo, zvinozotibesera kuti tive vanodakara zve ticikarembi.