Njiku 19-25 ja Maio
MAZWI AKANGWARA 14
Ndumbo 89 no Mukumbiro | Masoko Okutanga (mus. 1)
1. Nasanyi Kurangarira Zvamunozoita Paya Panozoitika Ngozi
(mus. 10)
Mucatenda ‘zvese zvamunovhunjwa’ (Mz 14:15; Murindiri wa 02/23 pheji 22-23 ndima 10-12)
Mucatema zvivaringo makacijikira pazvamunoziva kana zvakambomuitikira (Mz 14:12)
Mucapurukira vaya vanoramba ndhungamiriro jo sangano ra Jehovha (Mz 14:7)
KUITIRA KURANGARIJISISA:Vakuru, imwimwi makanasiririka kuti muzozwire ndhungamiriro ja Jehovha nokuzomuthemba mukuperera paya panoitika ngozi?—Murindiri wa 07/24 pheji 5 ndima 11.
2. Upfumi hwo Kumujimu
(mus. 10)
-
Mz 14:17—Ngenyi “mundhu anonasa kurangarira, anonyenywa”? (Perspicaz vhorume 2 pheji 780 ndima 3)
-
Upfumi hwapi hwamafumbhura pa kuverengwa ko Bhaibheri ko sumana ino hwamaidakarira kubhuisana no vamweni?
3. Kuverengwa ko Bhaibheri
(mus. 4) Mz 14:1-21 (Kujijisa cijijo 11)
4. Kutangisa Mabhuyo
(mus. 3) UCAPUPU HWO PAMBHENE. Samuzi anomuvhunja kuti ari kuneseka ngo ndava yo zvoupfumi, asi bhuisananyi naye shwiro iri yese yo mu Bhaibheri. (Kujijisa cijijo 3)
5. Hwiririro
(mus. 4) MUZI NGO MUZI. Mupenyi revhista inobhuya ngo pamusoro po shwiro yaakadakarira pa mabhuyo akapera. (Idanyi Vandhu cijijo 9 fundo 4)
6. No Kuvabesera Kuti Vave Vajiji
(mus. 5) Vangisanyi mujiji wenyu wo Bhaibheri kuti averenge Bhaibheri njiku jese no kumukhombija manera aangazviita. (Kujijisa cijijo 19)
Ndumbo 126
7. Ivanyi Makanasiririka Kuitira Ngozi Iri Yese
(mus. 15) Kubhuisana.
Divi iri rinozoithwa ngo mukuru. Nanganyi zviceukijo zvinovha ku Bheteri no zvo dare ro vakuru kudari zviripo.
Zvecivoneka kuti tiri kupona mu “njiku jo kupejisira,” tinozviziva kuti zvineso zvinozoenderera mberi zveciengejeka. (2 Tim 3:1; Mt 24:8) Inga cirovejeso, paya panoitika ngozi, vandhu va Jehovha vanoashira ndhungamiriro pa nguva kwayo ijo jingaponesa upenyu. Ngo kudaro, zvingaita kuti kupona kwedu kunofira pakuzwira kwatinoita wari, tinodikana kujinasirira kudivi ro kumujimu no divi ro kunyama.—Mz 14:6, 8.
-
Kujinasirira ku divi ro kumujimu: Ivanyi no cirovejeso cokuita jijo yenyu yo mundhu ega mukuvo wese. Itisanyi nane kukwanisa kwenyu mu mativi akasiyana-siyana o mu basa rokucumaera. Mucaruza vetero kudari mukapeja mukuvo wakatikuti makaparajana no hama. (Mz 14:30) Jehovha na Jesu mukuvo wese vanozonga vari phedo na imwimwi.—Takarongwa Kuti Tiite Kuda ka Jehovha pheji 176 ndima 15-17
-
Ivanyi makanasiririka ku divi ro kunyama: Kusiyapo kunasirira mupasta, ngozvaushoni kuti mbhuri imwe nga imwe ive no kumwa yakavigwa, zvokuha, mutombo no zvimweni zvakatojana, kudari zvikazodikana kuti mugare mumba ko mukuvo wakatikuti.—Mz 22:3; Mukai! wa 5/17 pheji 4
Rijanyi VHIDHIYO inoti Munganasirira Kudini Kuitira Ngozi Jinoitika Jega? Perapo daviranyi muvhunjo jinotevera:
-
Jehovha anotibeseresa kudini kudari pakaitika ngozi?
-
Ngozvapi zvatingaita kuti tijinasirire?
-
Tngabeseresa kudini vaya vawihwa ngo ngozi?
8. Jijo yo Bhaibheri yo Ungano
(mus. 30) Zvijijo Zvaungawana mu Bhaibheri cip. 83
