Nduyo 94:1-23
94 Jehovha Mwari, imwimwi munohwirijira ngo zvakashata ku vaya vanoita zvakashata,Mwari anohwirijira ngo zvakashata ku vaya vanoita zvakashata, khombijanyi rukujo hwenyu!
2 Mukanyi, imwimwi mutongi wo nyika.
Hwirijiranyi vandhu vanozvikuja zviya zvinovafanera.
3 Jehovha, mbhera rini,Mbhera rini vandhu vakashata vanozoenderera mberi vecidakara?
4 Ivona vanoenderera mberi vecibhuya masoko okuzvikuja;Vese vanoita zviro zvakashata, vanozvitundhumaja.
5 Jehovha Mwari, ivona vanocangaja vandhu venyu,Votambuja ndhaka yenyu.
6 Vanouraya noni no munyikanja,Vanouraya ndherera.*
7 Ivona vanoti: “Jehovha* aaripi kuzvivona;Mwari wa Jakobe aazvizivi zviri kuitika.”
8 Imwimwi vandhu vacina hwiru, zwisisanyi izvi,Imwimwi marethe, munozokwanisa kuzwisisa zviro izvi rini?
9 Kureva kuti wiya wakaita njeve, aakwanisi kuzwa?
Kureva kuti wiya wakaita jiso, aakwanisi kuvona?
10 Kureva kuti wiya anojijisa majinja, aakwanisi kumapangira?
Ndiyena anopa vandhu uzivi!
11 Jehovha anoziva murangariro jo vandhu,Anoziva kuti murangariro javo jakadari inga mwiha.
12 Jehovha* Mwari, anodakara mundhu wiya wamunopangira,Wiya wamunojijisa mutemo wenyu,
13 Kuti mumupe runyararo mu njiku jo matambujiko,Mbhera vandhu vakashata vaende mu gomba.
14 Ngokuti Jehovha aazokanganwi vandhu vake,Nee aazosiyi ndhaka yake.
15 Vandhu vanozotongwazve mu njira yakarurama,Vandhu vese vano mwoyo wakanaka vanozobesera ururami.
16 Ndiyani anozoviya kuzondibesera kuti ahwise vandhu vakashata?
Ndiyani anozoviya kuzondibesera kuti ahwise vandhu vanoita zviro zvakashata?
17 Kudari Jehovha naacizivi kuva mubeseri wangu,Inini ndaizofa ngo kukasika.
18 Pandakananga kuti: “Murenje jangu jiri kusejemuka,”
Jehovha Mwari, rudo hwenyu hucikacinji hwakandingwarira.
19 Pa mukuwo wokuti kuthimwa-thwimwa kwangu kwaiengejeka mukati mwangu,Imwimwi makandinyaraja no kundiembejera.
20 Imwimwi narini amuzotongi pamwepo no vandhu vanoita zvakashata,Ngokuti ivona vanoshandisa mutemo kuti vaviise matambujiko.
21 Ivona vanohwisa mu njira yakashata mundhu wakarurama,Vanotonga kuti mundhu acina ndava aauraiwe.
22 Asi Jehovha anozova citiziro cakangwaririka kwandiri,Mwari wangu, ibuwe rangu rokutizira.
23 Anozoita kuti zviito zvavo zvakashata zvivawire.
Iyena anozovaparaja* ecishandisa zviito zvavo zvakashata.
Jehovha Mwari wedu, anozovaparaja.
Masoko o Pasi
^ Kana: “vana vakafihwa ndi baba.”
^ Kana: “Jah.” Uku ikugurisihwa ko zina ra Jehovha.
^ Kana: “Jah.” Uku ikugurisihwa ko zina ra Jehovha.
^ Gama ngo Gama: “anozovanyaraja.”
