Nduyo 91:1-16
91 Wiya anogara mu ndau yakafisika yo Mukuru-KuruAnozowana munvuriri wo Womasimba Ese.
2 Ndinozovhunja Jehovha kudari: “Imwimwi muri citiziro cangu no ndau yangu yakavanga,Mwari wangu wandinothemba.”
3 Ngokuti iyena anozokuponesa pa murau wo mubati wo shiri,Anozokuponesazve pa ndhendha inouraya.
4 Iyena anozokufukija ngo mambau ake,Iwewe unozotizira pasi po mapapiro ake.
Kugondeka kwake kunozoita inga muvhiko mukuru no mupfimbiji unojivirira.
5 Iwewe auzothyi zviro zvinothyisa cousiku,Nee auzothyi mupasha jinokhandihwa comasikati.
6 Auzothyi ndhendha inondhandhanika mu cidima,Nee kuparaja kunouraya no masikati.
7 Ciuru co vandhu cinozowira ku divi rakoGumi ro zviuru zvo vandhu zvinozowira ku mukono muho wako,Asi apana cinozokukhuvaza.
8 Iwewe unozozvivona ngo majiso ako kamareWozova capupu co kupanicwa ko vandhu vakashata.
9 Zvecivoneka kuti iwewe wakati: “Jehovha ndiyena citiziro cangu,”
Wakaita kuti Mukuru-Kuru ave ndau yako yokugara;
10 Akuna dambujiko rinozokugumira,Nee akuna ndhendha inozoguma phedo no tende yako.
11 Ngokuti iyena anozotuma ngirozi jake kuti jiviye kwauri,Kuti jikungwarire mu makwanja ako ese.
12 Ijona jinozokubata mu nyara jajo,Kuti soka jako jitame kutaka pa buwe.
13 Iwewe unozocika-cika cimbhondoro no nyoka inothyisa;*Unozocika-cika mbhondoro ino simba no nyoka yakakura.
14 Mwari wakati: “Zvecivoneka kuti iyena anondida,* inini ndinozomuponesa.
Inini ndinozomungwarira ngokuti iyena anoziva zina rangu.
15 Iyena anozondidaninja, inini ndinozomudavira.
Ndinozova naye mu mukuvo wo kutambujika.
Inini ndinozomuponesa no kumukuja.
16 Inini ndinozomupfupa ngo upenyu hwakareba,Ndozomuita kuti avone zviito zvangu zvo ruponeso.
Masoko o Pasi
^ Nyoka iyi, imushovo wo nyoka yakaezana no nvira.
^ Gama ngo Gama: “wakabatana na inini.”
