Nduyo 84:1-12
Ku mutungamiriri. Inobhuya ngo pamusoro pa Gititi.* Nduyo yo vana va Koraa.
84 Jehovha Mwari wo hondo,Tabherinake yenyu huru inodiwa maningi!
2 Inini ndino madandha,*Zvokadi, ndino madandha akakura maningi,Okuvona ruvanje jo nyumba ya Jehovha.
Mwoyo wangu no muviri wangu, zviri kukhuwa ngo mudakaro ngo ndava ya Mwari anopona.
3 Pikija shiri, jinowana ndau yokugara mu nyumba yenyuCimunyengwa-nyengwa, cinojivakira saki,Macinokwanisa kukorondha maphwiphwi acoPhedo no artari yenyu huru, imwimwi Jehovha Mwari wo hondo,Mambo wangu, Mwari wangu!
4 Vandhu vanodakara nga vaya vanogara mu nyumba yenyu!
Ivona vanogara vecimusimba. (Sera)
5 Vandhu vanodakara nga vaya vanowana simba rinovha kwamuri,Vano mwoyo inoda kwenda ku nyumba yenyu.
6 Pavanopinda ngo* mubani ro Bhaka,Vanoricinja, voriita ndau inobuda kumwa;Nvura inotanga kuna inorifukija ngo makomborero.
7 Pavanoenderera mberi vecifamba, simba ravo rinoengejeka;Umwe na umwe wavo anoenda pamberi pa Mwari mu Ziyoni.
8 Jehovha Mwari wo hondo, izwanyi mukumbiro wangu;Mwari wa Jakobe, ndizwenyi. (Sera)
9 Mwari wedu no muvhiko wedu, vonanyi,*Vonanyi kumeso ko wokuzojwa wenyu.
10 Ngokuti zviri nane kupeja njiku imwe ndiri pa ruvanje wo nyumba yenyu kupinda kupeja ciuru co njiku ndiri ku ndau imweni!
Ndasana kugara ndakaima pa musuvo wo nyumba ya Mwari wanguKusiyapo kugara mu tende yo vandhu vanoita zvakashata.
11 Ngokuti Jehovha izuva no muvhiko;Iyena anoitira unyasha vandhu no kuvapa nduma.
Jehovha aazonyimi zvakanakaVandhu vaya vanofamba vakagondeka
12 Jehovha Mwari wo hondo,Mundhu wiya anothemba imwimwi anodakara.
Masoko o Pasi
^ Vonanyi Kudurujihwa ko Magama.
^ Kana: “cisuwo.”
^ Kana: “ngo mumapfiba o bani ro Bhaka.”
^ Kangaije: “Mwari wedu, vonanyi muvhiko wedu. ”
