Nduyo 43:1-5
43 Mwari wangu, nditongenyi,Imiriranyi ndava yangu pamberi po jinja ricizivi kugondeka.
Ndiponesenyi pamberi po vandhu vanonyepa no vacizivi kururama.
2 Ngokuti imwimwi muri Mwari wangu, ndau yangu yakavanga.
Ngenyi makandikanganwa?
Ngenyi inini ndinodikana kufamba ndakacamwa ngo ndava yo kuneswa ngo vavengi vangu?
3 Tumiranyi ruvheneko hwenyu no cokwadi cenyu.
Izvona ngazvinditungamirire;Ngazvinditungamirire ku dundhu renyu rakacena no ku tabherinake yenyu yakakura.
4 Ngo kudaro, inini ndinozoenda ku artari ya Mwari,Kuna Mwari anondiita kuti ndidakare.
Mwari wangu, inini ndinozomusimba ngo cimadangari.*
5 Ngenyi andicina vetero?
Ngenyi andizivi kugajana?
Ndinozoimira Mwari wangu,Ngokuti inini ndinozomusimba inga Muponesi wangu Mukuru na Mwari wangu.
Masoko o Pasi
^ Thurusi rinoshandiswa pa kurija mumbo. Ngo ciputukezi rinodaninjwa kuti harpa.
