Nduyo 105:1-45
-
Zviito zvo kugondeka zva Jehovha kuno vandhu vake
105 Bonganyi Jehovha, daninjanyi zina rake,Zivisanyi mabasa ake pakati po majinja!
2 Muimbirenyi, muimbirenyi ndumbo jo kumusimba,Rangarijisisanyi* zviito zvake zvese zvinoshamaisa.
3 Dadanyi ngo ndava yo kusimba kwamunoita zina rake rakacena.
Mwoyo ya vaya vanopsaka Jehovha ngaidakare.
4 Psakanyi Jehovha no simba rake.
Psakanyi besero rake mukuwo wese.
5 Ceukijanyi mabasa anoshamaisa aakaita,Ceukijanyi mushamaiso no matongero aakaita,
6 Imwimwi mubarihwana wa* Abhirahama mushandiri wa Mwari,Imwimwi vana va Jakobe, vasanwi vake.
7 Iyena ndi Jehovha Mwari wedu.
Matongero ake ari mu nyika yese.
8 Mwari narini aazokanganwi citenderano caakaita,Iyena anoceukija citenderano caakaita kwenda no kwenda,
9 Citenderano caakaita na Abhirahama,No mbhiko yaakaita na Izaki,
10 Mbhiko yaakaita inga mutemo kuna JakobeInga citenderano co kwenda no kwenda kuna Iziraeri,
11 Eciti: “Ndinozokupa nyika yo KhananiInga ndhaka yako yawakapuwa.”
12 Izvi zvakaitika pavainga vari vashoma,Hina, vainga vashoma kamare. Vainga vagari vonyikanja mu nyikeyo.
13 Ivona vakafamba ku majinja akasiyana-siyana,Kuvha ku umambo mbhera ku umambo umweni.
14 Iyena aazivi kutendera kuti mundhu ari wese avabzinyirire,Ngo ndava yavo, iyena wakapangira majimambo,
15 Eciti: “Mucapsasa vokuzojwa vangu,Mucaitira zviri zvese zvakashata ku vaporofeti vangu.”
16 Iyena wakaviisa njara pa nyika;Woita kuti ivona vatame zvokuha.*
17 Pamberi pavo, wakavatumira mwanarume umwe,Josefa uwo wakatengeswa inga muranda.
18 Murenje jake jakasungwa ngo magaragajero;Musipa wake wakasungwa ngo simbi
19 Mbhera pamukuwo wakakwanirisika masoko ake,Zvakananga Jehovha ndizvona zvakamuita kuti ave mundhu waushoni.*
20 Mambo wakaita kuti iyena asujunuhwe,Mutungamiriri wo vandhu wakamusujunura.
21 Iyena wakamugaja kuti ave mutungamiriri wo nyumba yake,Iyena wakamugaja kuti ave mutongi wo zviro zvake zvese,
22 Kuti atonge vatungamiriri vake ngo njira yaaidaKuti ajijise vakuru va mambo kuti vave no uzivi.
23 Tevere Iziraeri wakanghwina mu nyika yo Ejipita,Jakobe wakapona inga munyikanja mu nyika ya Kami.
24 Mwari wakaita kuti vandhu vake vawande maningi;Wakaita kuti vave no simba maningi kupinda vavengi vavo,
25 Iyena wakatendera kuti ivona vanyenye vandhu vake,No kuitira zvakashata vashandiri vake.
26 Iyena wakatumira Mosi mushandiri wakeNa Aroni waainga akasana.
27 Vakaita zvitatijo zva Mwari pamberi pavo,Voita mushamaiso yake mu nyika ya Kami.
28 Mwari wakatumira cidima, nyika yakasvipa;Mosi na Aroni vakazwira masoko ake.
29 Wakacinja kumwa yavo yoita sangiWouraya hove javo.
30 Nyika yavo yakazara ngo macehe,*Iwona akaguma mbhera mu nyumba ja mambo.
31 Iyena wakatumira maborovongoPamwepo no mutunga kuti zvinghwine mu ndharaundha javo jese.
32 Wakacinja nvura yavo yoita mapuweIyena wakatumira mbheni* mu nyika yavo.
33 Wakatema muuvha no mufigu javoWowisa mamuti o mundharaundha javo.
34 Iyena wakavatumira cikwata co ndere,Ndere doko jicikaverengeki.
35 Jakaha zviro zvese zvinomera mu nyikeyo,Johavo zviro zvese zvinomera mu maminda.
36 Ngo kudaro, iyena wakauraya matangwe ese o mu nyika yavo,Vana vavo vese vakatanga kubahwa.
37 Wakaita kuti vandhu vabude vano sirivha no goridhi;Apana na umwe wo vhumbo ravo wakakhugunyika.
38 Ejipita yakadakara maningi Iziraeri payakapinda,Ngokuti iyona yaithya maningi Iziraeri.
39 Mwari wakatambanuja gore kuti avangwarire
Cousiku waivavhenekera ngo muriro.
40 Ivona vakakumbira, iyena wakavapa zvibhathya;*Iyena wakaenderera mberi ecivagutisa ngo zvokuha zvo kudenga.
41 Wakafunungura buwe, kumwa yobuda;Yakapopoma mu bani inga murambo.
42 Ngokuti iyena wakaceukija cigondiso cakaceneswa caainga akaitira Abhirahama mushandiri wake.
43 Ngo kudaro, wakaita kuti vandhu vake vabude vecitamba ngo kudakara,Woita kuti vasanwi vake vabude vecikhuwa ngo kudakara.
44 Iyena wakavapa nyika jo vandhu vo majinja;Ivona vakagara utaka wo zviro zvakashandhwa ngo simba ngo majinja amweni.
45 Kuti vangwarire matongero akeNo kuzwira mutemo jake.
Simbanyi Jehovha!*
Masoko o Pasi
^ Kangaije: “bhuyanyi ngo pamusoro po.”
^ Gama ngo Gama: “mbeu ya.”
^ Gama ngo Gama: “wakagura ndonga jese jaidihwa pau, kangaije pari kunangira ndonga jaipakaikihwa pau.”
^ Ngo Cihebheru gama iri rinonangira kucenesa simbi ngo kuinyungurusa.
^ Kangaije: “mundhanja, matasva.”
^ Kana: “murazvu yo muriro.”
^ shiri.
^ Kana: “Areruya!” Kana: “Jah.” Uku ikugurisihwa ko zina ra Jehovha.
