Mikeya 4:1-13
4 Mu njiku jo kupejisira,Dundhu ro nyumba ya JehovhaRinozovangiswa panyezuru po matundhu,Rinozoreba kupinda zvimatundhu,Majinja mazinji anozoenda kwariri.
2 Majinja mazinji anozoenda onanga kudari:
“Viyanyi, ngatikhwire pa dundhu ra JehovhaKu nyumba ya Mwari wa Jakobe.
Iyena anozotijijisa makwanja ake,Itusu tinozofambemo.”
Ngokuti mu Ziyoni munozobuda mutemo,Mu Jerusarema munozobuda soko ra Jehovha.
3 Iyena anozotonga pakati po majinja mazinjiAnozotonga ndava kuti abesere majinja ano simba, ari phedo no ari ndhambo.
Vanozopfura mapanga avo vomaita sharuwaMukhondo javo vojiita sikeyo.
Jinja arizomukiri jinja rimweni ngo banga,Avazojijizve kuita hondo.
4 Umwe na umwe wavo anozogara pasi po muuvha wake no pasi po mufigu wake,Apazovi no ciri cese cinozovathyisa,Ngokuti muromo wa Jehovha wo hondo, wananga kudaro.
5 Ngokuti vandhu vese vanozofamba ngo zina ra mwari wavo,Asi itusu tinozofamba ngo zina ra Jehovha Mwari wedu mbhera narini, kwenda no kwenda.
6 Jehovha anonanga kudari: “Pa njikuyo,”“Ndinozounganija vaya vaithobinya,Ndinozounganijazve vese vainga vakandhandhanika,Kubatanijavo na vaya vandakatambuja.
7 Ndinozoita kuti pakati pa vaya vaithobinya, pave no vanosara,Pakati pa vaya vainga vakaendeswa ndhambo, pave no jinja rino simba,Jehovha anozova mambo wavo, ecivatonga ari pa dundhu ro Ziyoni,Kuvhira wari, mbhera narini.
8 Asi iwewe murindiri wo mushambi,Dundhu ro mwana wokaji wo Ziyoni,Umambo unozoviya kwauri, iwona umambo wokutanga,Umambo wo mwana wokaji wo Jerusarema.
9 Waro ngenyi iwewe uri kukhuwa?
Kureva kuti aucina mambo?Kureva kuti mupangiri wako wafa?Kureva kuti izvi ndizvona zviri kukuitisari kuti uhwajihwe inga mwanakaji ari kuda kubara?
10 Iwewe mwana wokaji wo Ziyoni, sikimarai ugomere ngo kuhwajihwa,Inga zvinoita mwanakaji ari kuda kubara,Ngokuti iwewe unozobuda mu dhorobha woenda koogara mushango.*
Iwewe unozoenda Bhabhironi,Kondhoyo unozosujunuhwa;Kondhono Jehovha anozokuponesa mu nyara jo vavengi vako.
11 Wari majinja mazinji anozokuunganira,Iwona anozoti: ‘Ziyoni ngaritukwe,Izvi ngazviitike pamberi po majiso edu.
12 Asi ivona avazivi zviri kurangarira Jehovha,Nee avazwisisi cinangwa* cake;Ngokuti iyena anozovaunganija inga mutoro yo zvirimwa zviri kuvha kucekwa zveciendeswa ku cimbuwa.*
13 Mukai upure, iwewe mwana wokaji wo Ziyoni;Ngokuti ndinozoita kuti nyanga jako jive nyanga jo simbi,Ndhwara jako jive ndhwara jo utare,Iwewe unozokwiya-kwiya vandhu vakawanda.
Unozopa Jehovha upfumi hwavo hwavaiwana ngo njira icizivi kururama,Unozopekeja Mambo wo cokwadi wo pasi pese zviro zvavo.
