Mazwi Akangwara 2:1-22
2 Mwana wangu, kudari ukatendera masoko angu,Wongwarira mu mwoyo mako mutemo jangu,
2 Ngo kunasa kupurutana* uziviNo kuita kuti mwoyo wako uzwisise;
3 Kunja kwa izvi, kudari ukakhuwa wecicemera* kuzwisisa,Kudari ukacemera kuzwisisa, wokhuwa ngo izwi guru wecikumbira ungwaru,
4 Kudari ukaenderera mberi wecipsaka zviro izvi inga uri kupsaka sirivha,Woenderera mberi wecihupsaka inga uri kupsaka upfumi hwakavigwa;
5 Ukadaro, unozoziva kuti zvinorevenyi kuthya Jehovha,Wonasa kuziva Mwari.
6 Ngokuti ndi Jehovha anopekeja uzivi.Mu muromo make, munobuda uzivi no ungwaru.
7 Iyena anopekeja uzivi vandhu vakanaka;Anoita inga muvhiko ku vandhu vakagondeka.
8 Iyena anojivirira makwanja o vandhu vakanaka,Wongwarira makwanja o vandhu vakagondeka.
9 Ngo kudaro, unozoziva zviro zvakanaka, zvakarurama no zvakarungama,Unozoziva makwanja ese o zviro zvakanaka.
10 Kudari uzivi ukanghwina mu mwoyo makoNo zivo ikava inokudakajisa,*
11 Kukwanisa kurangarira, kunozokungwarira,Ungwaru, hunozokujivirira.
12 Izvona zvinozokujivirira kuti utame kwenda mu makwanja akashata,Nokugara no vandhu vanovereketa zvakashata,
13 No vandhu vanosiya makwanja akanakaVotevera makwanja ano cidima,
14 No vandhu vanodakara ngo kuita zviro zvakashata,Vandhu vanodakajihwa ngo kuita zviro zvicizivi kunaka,
15 No vandhu vano makwanja akapeyamaNo vandhu vanocengeja mazuva ese.
16 Uzivi hunozomuponesa ku mwanakaji acikajibati,*Ku masoko akapfava* o mwanakaji anohura,*
17 Anosiya shamwari yo* ujaha hwakeWokanganwa citenderano caakaita na Mwari wake;
18 Ngokuti muzi wo mwanakaji anohura, unoendesa ku rufu,Makwanja ake anoendesa mu guva.
19 Mundhu anonghwinemo aazobudi,Nee aazoviyizve kuti awane gwanja ro upenyu.
20 Ngo kudaro, teverai gwanja ro vandhu vakanakaUgare uri mugwanja ro vandhu vakarurama,
21 Ngokuti vandhu vanoita zvakanaka* basi,Ndivona vanozogara pasi pano.
Vakagondeka,* vanozogarepo kwenda no kwenda.
22 Vandhu vakashata, vanozouraiwa pasi pano,Asi vandhu vanocengeja, vanozovhithwa.*
Masoko o Pasi
^ Kana: “kupurukira.”
^ Kana: “kudari ukamima uciririra.”
^ Kana: “inodakajisa mwiha wako.” Vonanyi Kudurujihwa ko Magama pa gama ro kuti “mwiha.”
^ Gama ngo Gama: “acikaziviki.” Izvi zvinoreva mundhu ano mufambiro wakashata, acina ushamwari na Mwari.
^ Kana: “anoemuja; anokwevejera; anosirija.”
^ Gama ngo Gama: “mwanakaji wo nyikanja.” Izvi zvinoreva mundhu ano mufambiro wakashata, acina ushamwari na Mwari.
^ Kana: “mwamuna wo.”
^ Kana: “zvakarurama.”
^ Kana “Vacina ndava.”
^ Kana “vanozobzuhwa.”
