Jobe 9:1-35
9 Jobe wakadavira kudari:
2 “Inini ndinozviziva kuti zvamanangaro ndizvona.
Asi zvingaitisa kudini kuti mundhuwo hake angava no razau pamberi pa Mwari?
3 Kudari mundhu akada kubhuya ciri cese haco Naye,Mundhu wondhowo, aakwanisi kudavira nee muvhunjo umwe hawo pakati po muvhunjo Jake jinokwana kuita 1.000.
4 Iyena ano uzivi* no simba rakakura
Ndiyani angahwisana naye wotama kukhuvazika?
5 Iyena anothuthisa matundhu pacina mundhu anozviziva;Iyena anomaphwanya-phwanya ngo kunyangajwa.
6 Iyena anozungunyisa nyika yobuda pandau payoZvoita kuti njiki jayo jizungunyike.
7 Iyena anovhunja zuva kuti ritame kubwakaAnojima ndhondho;
8 Iyena ega, anowaja denga inga jira,Anocika mavimbi makuru o jombe.
9 Iyena wakaita zvikwata zvo ndhondho zvinodanijwa kutiAshi, Khesiri no Kima,*No cikwata co ndhondho jo kakusi;
10 Iyena wakaita zviro zvikuru zvinonesa kuzwisisa,Zviro zvinoshamaisa zvicikaverengeki.
11 Iyena anopinda ngo pandiriwaro, asi inini andimuvoni;Iyena anondipindirija, asi andikwanisi kumuziva.
12 Iyena akatora ciro, ndiyani angamurambija?
Ndiyani angamuvhunja kuti, ‘Uri kuitenyi?’
13 Mwari aazovigi ushungu hwake;Pikija no vabeseri va Rahabhe* vanozogwadama pa mbheri pake.
14 Zvakadinivo na inini pandinoda kumudavira?Ndinodikana kunasa kusana ushoni magama angu kuti ndibhuye nae!
15 Nee nondainga no razau, andicaizomudavirepi.
Ndaizodeketerera mutongi wangu* kuti andiitirevo unyasha.
16 Waro kudari ndikamudanija, iyena anozondidavira?Anditozvitendi kuti iyena anozwa izwi rangu,
17 Ngokuti iyena anondikwiya-kwiya ngo zibepoWoengejera mavonje angu pacina thangwe riri rese.
18 Iyena aanditenderi kuti ndifeme;Iyena anoenderera mberi eciengejera matambujiko angu.
19 Tikabhuya ngo pamusoro po simba, iyena wakavanga maningi.
Tikabhuya ngo pamusoro po ururami, iyena anoti: ‘Ndiyani angandidanija kuti anditonge?’
20 Nee nondainga no razau, muromo wangu waizonditonga;Pikija ndikaenderera mberi ndakarurama,* iyena anondipa ndava.
21 Pikija ndikaenderera mberi ndakarurama,* inini andijithembi;Inini ndinonyenya* upenyu hwangu uhwu.
22 Zvese zvakafanana. Ndizvona zvinondiitisa kuti ndinange kudari,‘Iyena anouraya vacina ndava no vakashata.’
23 Kudari usore* ukauraya ngo civhumbu,Iyena anoshora vacina ndava vaperehwa ngo zano.
24 Nyika yakapekejwa vakashata;Iyena anofunga majiso o vatongi.
Kudari aciripi iyena, angava ani?
25 Njiku jangu jiri kugogoma manigi kupinda mugogomi;Ijona jiri kutiza jicikavoni zvakanaka.
26 Jinosejemuka inga ngarava yo njanga,Inga hokotora iri kuwira cinyama.
27 Kudari ndikananga kudari: ‘Ndinozokanganwa kun’gun’guta kwangu,Ndozocinja kumeso kwangu perapo ndodakara.’
28 Inini ndaizogara ndecithya ngo pamusoro po kuhwajihwa kwangu,Ndinoziva kuti amucaizondivonazve inga mundhu acina ndava.
29 Inini ndaizovoniwa ndino ndava.
Waro ndinozotambujikirenyi mahara?
30 Kudari nondaisamba mu kumwa yo veto,Ndosamba nyara jangu ngo sabau,*
31 Imwimwi maizondindondomeja mu matope,Zvoita kuti no nguvo jangu jindinyenye.
32 Ngokuti iyena asipi mundhu wakatojana na inini kuti ndimudavire,
Wokuti ndingatoenda nae ku banje.
33 Ngokuti akuna mundhu angapeja ndava* pakati pedu,Angazoshanda inga mutongi.
34 Kudari iyena naairegera kunditakaNo kundithyisa,
35 Inini ndaizobhuya ndicikathyi,Ngokuti andinyanyi maningi kuthya ndecivereketaya.
Masoko o Pasi
^ Gama ngo Gama: “uzivi hwo mumwoyo.”
^ Ashi, Khesiri no Kima, mazina o ndhondho jinovoneka jakaungana pamwepo, jecibudisa ciimo co zviro zvakasiyana-siyana, zvakadari inga zvinyama.
^ Kangaije zinyama ziguru ro mujombe.
^ Kangaije: “Ndaizodeketerera mundhu wandiri kwendesana nae ku banje.”
^ Kana: “Pikija ndicina ndava.”
^ Kana: “Pikija ndicina ndava.”
^ Kana: “ndinoshora.”
^ Kana: “ushau; guwe; sheya.”
^ Kana: “marota.”
^ Kana: “akuna muviiranisi.”
