Jobe 23:1-17
23 Jobe wakadavira kudari:
2 “Mbhera nyamasi ndiri kundoneseka basi;Simba rangu rapera ngo pamusoro po kugomera kwangu.
3 Nondaiziva kwandingawanira Mwari,
Inini ndaizoenda kwaanogararo.
4 Inini ndaizomuvhunja cineso canguNdozaja mukanwa mangu ngo magama;
5 Inini ndaizoziva zvaaizondidaviraNdaizonasa kupurutana* zvaaizondivhunja.
6 Kureva kuti iyena waizondigogomera
Ecishandisa simba rake rakakura?
Haiwa, zvokadi kamare iyena waizondipurutana.*
7 Pondhopo, mururami anozotongehwa ndava yake,Inini ndaizosujunuhwa cikamwe ngo mutongi wangu.
8 Asi inini ndikaenda kumavhazuva, iyena aako,Asi ndikaviya, inini andimukhandi.
9 Paanonga ecishanda ku mukono boshwe,Inini andikwanisi kumuvona;
Ngo kudaro anombzengera ku mukono muho,
Asi pikija zvakadaro, inini andikwanisi kumuvona.
10 Asi iyena anondiziva pandinonga ndecifamba.
Paanopera kundieja, ndinozovhepo ndakaita inga goridhi rapera kusefiwa.
11 Soka jangu jakanasa kutevera mudanyu jenyu,*Inini ndakangwarira makwanja enyu ndicizivi kupauka.
12 Inini andizivi kupauka pa mutemo jaivha pa muromo penyu.
Ndakangwarira masoko enyu mu mwoyo mwangu,
Kupindirija zvandaidikana kuita.
13 Iyena paanotema civaringo,
Ndiyani angamurambisa?
Iyena akada kuita ciri cese, anoita kamare.
14 Ngokuti iyena anozoita zviro zvese zvaakandirongera.Iyena wakandivigira zviro zvizinji zvakadari inga izvi.
15 Ndizvona zvinondiitisa kuti ndithimwe-thimwe ngo pamusoro pake.Ndikamurangarira, kuthya kwangu kunoengejeka.
16 Mwari wakandiita kuti ndicamwe,Womasimba Ese wakandiita kuti ndigare ndecithya.
17 Asi andito ndikanyarajwa ngo cidimaNee ngo zviro zvakasvipa zvinofukija kumeso kwangu.
