Isaya 40:1-31
40 “Nyarajanyi, nyarajanyi vandhu vangu,” izvi ndizvona zvinonanga Mwari wenyu.
2 “Bhuyanyi zvinobaya mwoyo wo Jerusarema,Zivisanyi kuti irona rakwanirisa basa raro rokuvangirijwa,Zvishaishi zvaro zvaripwa.
Irona raashira zvese* mukuzwirana no zvishaishi zvaro kuvha kuna Jehovha.”
3 Kuno izwi riri kuzika muzvipare reciti:
“Nasiriranyi gwanja ra Jehovha!
Fununguranyi mu cipare gwanja rakarungama kuitira Mwari wedu.
4 Mapani ese ngaafushihwe,Matundhu ese no zvimatundhu, ngazvimbhwara-mbhwajihwe.
Ndau yakapeama ngaiite inga bani,Ndau icizivi kuezana ngaiite inga bani.
5 Kukujwa ka Jehovha kunozovoneswa,Vese vanozokuvona,Ngokuti muromo wa Jehovha wakazvinanga.”
6 Purukiranyi! Kuno mundhu ari kunanga kudari: “Zivisai!”
Umweni ari kuvhunjisa kudari: “Ndozivisa cinyi?”
“Vandhu vese vakadari inga ndhonve.
Kugondeka kwavo kwese kwakadari inga firori ro mu munda.
7 Ushwa unovomaFirori rinofota,Ngokuti mwiha wa Jehovha uri kuzvifurija.
Zvokadi, vandhu vakaezana no maushwa.
8 Ushwa unovomaFirori rinofota,Asi soko ra Mwari wedu rinogara mbhera narini.”
9 Khwirai ku dundhu rakareba,Iwewe mwanakaji ari kuviisa masoko akanaka ku Ziyoni.
Khwijai izwi rako ngo simba,Iwewe mwanakaji ari kuviisa masoko akanaka ku Jerusarema.
Mukai, ucathya.
Zivisai ku madhorobha o Judha kudari: “Nga uwu Mwari wenyu.”
10 Izwanyi! Mambo Mukuru-kuru Jehovha anozoviya ano simba,Iyena anozotonga ngo mukono wake.
Izwanyi! Mupfupo hwaanopa huna iyena,Pamberi pake pano mupocero waanopoceresa.
11 Inga muhavisi, iyena anozokorondha mushambi wake.
Ecishandisa mukono wake, anozounganija mavhuta,Ozomatakura omadira pacifuva cake.
Ozoseseja ngo kunaka mwoyo mavhuta ayani anonga ecimwisa zvivana zvawo.
12 Ndiyani wakapima kumwa ngo nyara yake?Ndiyani wakapima matenga ngo upambhi wo nyara yake?
Ndiyani wakaunganija bukuta ro mavhu oridira pa mupimo?Ndiyani wakapima matundhuNo zvimatundhu wozvidira pa bharansa?
13 Ndiyani wakapima mujimu wa Jehovha?Ndiyani wakamujijisa woita inga mupangiri wake?
14 Ndiyani wakamupangira kuti azwisise?Ndiyani anomujijisa gwanja ro ururami?Ndiyani anomupa zivo?Ndiyani anomukhombija gwanja ro kuzwisisa ko cokwadi?
15 Izwanyi! Majinja akadari inga dondhojwe ro kumwa riri mubhagedhi,Iwona anozovoneka inga zvibukuta zvishoma zviri pa bharansa.
Vonanyi! Iyena anomusa zvirundu inga bukuta.
16 Pikija gwasha ro Rebhanoni, arikwani kuti muriro uenderere mberi wecibwaka,Zvinyama zvaro zvo mugwasha, azvikwani kuita mupiro wokupiswa.
17 Majinja ese akadari inga ciro cicipo pamberi pake;Iyena anomavona inga zviro zvabiresi, zvicina mutengo.
18 Mungaezanisa Mwari naani?
Mufananijo wapi wamungamuezanisa naye?
19 Muvezi anoveza cithombe,Mupfuri wo simbi anocinama ngo goridhi,Woita mudhariya jo sirivha.
20 Iyena anosana muti kuti aite mupiro,Muti ucikavori.
Iyena anopsaka muvezi anokwanisaKuti amuitire cithombe cakavezwa cicikawi.
21 Kureva kuti imwimwi amuzvizivi?
Amuzivi kuzvizwa?
Amuzivi kuvhunjwa kuvhira pakutanga?
Amuzivi kuzwisisa kuvhira pakadihwa maambo o nyika?
22 Kuno mundhu anogara panyezuru po dendenejwa* ro nyika,Vagari vayo vakadari inga ndere.
Iyena anowaja matenga inga nguvo inovonekera,Omapetenura inga tende yokugaremo.
23 Iyena anoita kuti magovhernadhori ave abiresiWoita kuti vatongi vo nyika vave vacina mutengo.
24 Ivona avazivi kunasa kusimwa ushoni,Ivona avazivi kunaswa kukuswa ushoni,Thobwe ravo arizivi kumera ushoni muji pa nyika,Vanofurijwa ngo mbhepo vooma,Mbhepo yovatora inga maushwa.
25 “Imwimwi mungandiezanisa nani? Ndiyani wakaezana na inini?” Izvi ndizvona zvinonanga Mucena.
26 Musanyi majiso mudenga muvone.
Ndiyani wakasika zviro izvoo?
Ndi Wiya anoita kuti zvibude inga masoca ngo kuwanda kwazvo;Iyena anozvidaninja zvese ngo mazina azvo.
Ngo ndava yo simba rake rakakura maningi no simba rake rinoshamaisa,Zvese zviri pa ndau yazvo.
27 Jakobe, ngenyi unonanga kudaro. Iziraeri, ngenyi unovereketa kudari:‘Gwanja rangu rakafindara kuna Jehovha,Mwari aandiitiri ururami’?
28 Kureva kuti iwewe auzvizivi? Kureva kuti iwewe auzivi kuzvizwa?
Jehovha, Musiki wo ndau jiri ndhambo jo pa nyika, ndi Mwari acina magumo.
Iyena aarembi nee aaperi simba.
Kuzwisisa kwake akupoporeki.*
29 Iyena anopa simba wakarembaOpazve simba vaya vacina simba.
30 Pikija majaha anoremba opera simba,Varimbhwane vokhugunyika, vowa,
31 Asi vaya vanovetera Jehovha, vanozowanazve simba.
Vanozomburuka ngo mapapiro* inga hokotora.
Vozogogoma vacikaperi simba;Vozofamba vacikarembi.”
Masoko o Pasi
^ Kana: “zvakapetwa kaviri pa zvishaishi zvaro.”
^ Kana: “bhora.”
^ Kana: “akuzwisisiki.”
^ Kana: “mapapa.”
