Mujiji Jakobho wakaezanisa Bhaibheri no buko rinotibesa kuti tiwone undhu wedu womukati. (Jak. 1:22-25) Tingashadisisa kudini Bhabheri inga buko ngo njira yakanaka?

Nasanyi kuverenga. Tikasota pa buko ngokukasika nguva jimweni atizooni zvakashata mumeso medu. Ngo njira yakatojana tikaverenga Bhaibheri ngokukasika atizokoni kuona zviro zvakashata zviri mukati medu uye zvatinodikana kuti ticinje, ngo kudalo tinodikana kunasa kuverenga Bhaibheri.

Sotesesanyi zvamunodika kunasirisa haiwa kusota zvo vamweni. Tikasota kumbhiri ko buko tinoona zvakashata zviri mumeso movamweni. Ngo njira yakaezana, tingakona kushandisa Bhaibheri kuti tizive zvinokanganisa vandhu vamweni. Asi pozvakashatira ngo pokuti azvizotibesi kuti tive vandhu vakanaka.

Ivanyi mundhu ari pakati no pakati. Tikasota pa buko togara tesilangarira zviya zvatisikadi, tingagumisira ngo kuora mweyo. Patinonga tesiverenga Bhaibheri tinodikana kuva vandhu vari pakati no pakati atidikani kusoterera kuti tiite zviro zvakawanda zvisingasotererwi ndi Jehovha.—Jak. 3:17.