4 Sadalelwa Ukuhlupheka Yini?
Kungani Kumele Udinge Impendulo Yombuzo Lo?
Nxa kuyikuthi sadalelwa ukuhlupheka kumele sazi ukuthi kungani kunjalo kodwa nxa kungayisikho lokho, kufanele sazi ukuthi kwaphambaniseka ngaphi.
Okumele Ucabange Ngakho
Kungani uNkulunkulu owadala izinto ezinhle kangaka evumela ukuhlupheka?
Ukuhlupheka kwenza abantu abangakhonziyo bazibuze ukuthi uNkulunkulu ukhona yini lokuthi uhloseni ngokuvumela ukuthi sihlupheke. Bazitshela ukuthi ukuhlupheka kutshengisa ukuthi (1) UNkulunkulu kalamandla okukuqeda, kumbe ukuthi (2) uNkulunkulu kafuni kukuqeda, kumbe (3) vele uNkulunkulu kakho.
Kambe ukuthi lokhu yikho yini okwenza abantu bahlupheke?
FUNDA OKUNENGI
Bukela ividiyo ethi Singakwazi Njani Ukuthi IBhayibhili Lileqiniso? etholakala ku-jw.org.
Okutshiwo LiBhayibhili
UNkulunkulu kasidalelanga ukuthi sihlupheke.
UNkulunkulu ufuna sithokoze.
“Ngiyakwazi ukuthi kakukho okungcono ebantwini kulokuthi bajabule njalo benze okuhle besaphila. Ukuthi wonke umuntu adle, anathe azuze ukusuthiseka ekusebenzeni gadalala kwakhe - lokhu kuyisipho sikaNkulunkulu.”—UMTSHUMAYELI 3:12, 13.
UNkulunkulu wanika abantu bokuqala konke ababekudinga ukuze bangahlupheki.
Wayengafuni ukuthi bona labantwababo bahlupheke.
“UNkulunkulu wababusisa wathi kubo, ‘Zalani lande ngobunengi; wugcwaliseni umhlaba, liwubuse.’”—UGENESISI 1:28.
U-Adamu lo-Eva bakhetha ukungalaleli uNkulunkulu.
Lokhu kwabangela ukuthi bona labantwababo bahlupheke.
“Ngakho-ke, njengoba isono sangena emhlabeni ngomuntu oyedwa, lokufa kwangena ngesono, ngaleyondlela ukufa kwafika ebantwini bonke ngenxa yokuthi bonke bonile.”—KWABASEROMA 5:12. *
UNkulunkulu kasidalelanga ukuthi sizibuse.
Asidalelwanga ukuthi sizibuse njengoba nje singadalelwanga ukuphila ngaphansi kwamanzi.
“Umuntu akusikho kwakhe ukuthi aqondise izinyathelo zakhe.”—UJEREMIYA 10:23.
UNkulunkulu kafuni ukuthi sihlupheke.
UJehova kafuni senze izinto ezizasenza sihlupheke.
“Aluba wawulalele imilayo yami nje, ukuthula kwakho kwakuzakuba njengomfula.”—U-ISAYA 48:18.
^ indima 17 EBhayibhilini, ibala elithi “isono” lisetshenziswa nxa kukhulunywa ngezenzo ezimbi umuntu ayabe ezenzile njalo liphinda lisetshenziswe nxa kukhulunywa ngokuthi wonke umuntu ulesono esasithatha ku-Adamu lo-Eva.
Nanku Okunye
INQABAYOKULINDA
UNkulunkulu Uzwa Njani Nxa Ekubona Uhlupheka?
Amavesi la eBhayibhili angakunceda uzwisise ukuthi uNkulunkulu uzwa njani ngokuhlupheka.
