AMACEBO OKULWISANA LOKUKHATHAZEKA
Ukukhathazeka Kuzaphela!
Esikufunda eBhayibhilini kungasinceda ukuthi singakhathazeki kakhulu ngezinto esingeke sizintshintshe. Phela kasenelisi ukuqeda konke okusikhathazayo kodwa uMdali wethu uyenelisa. Ukhethe uJesu ukuthi azosinceda futhi uzakwenza okukhulu kakhulu ukwedlula lokho akwenza ngesikhathi esemhlabeni. Nanzi izinto uJesu azazenzela abantu emhlabeni:
UZAQEDA YONKE IMIKHUHLANE.
“Baletha kuye bonke ababebulawa yimikhuhlane etshiyeneyo, wabasilisa bonke.”—UMATHEWU 4:24.
UZAKWENZA KUBE LENALA NJALO ABANTU BONKE BATHOLE IZINDAWO ZOKUHLALA.
“Bazakwakha [bonke abazabuswa nguJesu] izindlu bahlale kuzo; bazahlanyela izivini badle izithelo zazo. Kabasayikwakha izindlu zihlalwe ngabanye kumbe bahlanyele, kudle abanye.”—U-ISAYA 65:21, 22.
UZALETHA UKUTHULA LOKUVIKELEKA.
‘Ngezinsuku zayo abalungileyo bazaphumelela; ukuthula kuzakwanda inyanga ize itshabalale. Uzabusa kusukela elwandle kusiya elwandle, njalo kusukela eMfuleni kusiya emikhawulweni yomhlaba. . . . Izitha zakhe zizakhotha uthuli.’—IHUBO 72:7-9.
UZAQEDA UKUHLUKULUZWA KWABANTU.
‘Uzabahawukela ababuthakathaka labaswelayo, asindise abaswelayo ekufeni. Uzabahlenga ekucindezelweni lekuhlukuluzweni.’—IHUBO 72:13, 14.
UZAQEDA UKUHLUPHEKA LOKUFA.
“Ukufa ngeke kusabakhona, loba ukulila loba ukukhala loba ubuhlungu, ngeke kusabakhona.”—ISAMBULO 21:4.
Nanku Okunye
IMIBUZO YEBHAYIBHILI IYAPHENDULWA
Kuyini Okuzakwenziwa NguMbuso KaNkulunkulu?
Bala isihloko lesi uzwe ukuthi kuyini okuzakwenziwa nguMbuso kaNkulunkulu ngesikhathi esizayo.
