Kuyini Okungakunceda Ukuthi Ube Lekusasa Elihle?
Njengoba sibonile ezihlokweni ezidlulileyo, kulezinto ezitshiyeneyo abantu abazithembayo abacabanga ukuthi zingenza babe lekusasa elihle. Abanye bathemba amandla angabonakaliyo abakholwa ukuthi ahlela impilo zabo futhi abanye bathemba imfundo lenotho. Abanye bazama ukuba ngabantu abalungileyo. Ukuthemba izinto lezi kufanana lokuzama ukuya endaweni ongayaziyo usebenzisa imephu engaqondanga. Kambe lokhu sekusitsho ukuthi akulalutho olungasinceda ukuthi sibe lekusasa elihle? Hatshi!
IBHUKU ELINGCONO KULAWO WONKE
Izikhathi ezinengi sijayele ukubuza umuntu omdala njalo ohlakaniphileyo kulathi singakenzi izinqumo. Lasendabeni yokudinga ikusasa elihle kulomuntu omdala futhi ohlakaniphe kakhulu kulathi ongasincedisa. Amacebo akhe singawathola ebhukwini elaqalisa ukubhalwa eminyakeni engaba ngu-3500 eyadlulayo. Ibhuku lelo libizwa kuthiwa liBhayibhili.
Kungani kumele silithembe iBhayibhili? Ngoba owalibhalayo ngumuntu omdala futhi ohlakaniphe kulabo bonke. Limbiza ngokuthi ‘unguSimakade’ okhona “kusukela phakade kuze kube phakade.” (UDanyeli 7:9; IHubo 90:2) Nguye “owadala amazulu, unguNkulunkulu, yena owabumba umhlaba.” (U-Isaya 45:18) Usitshela ukuthi ibizo lakhe nguJehova.—IHubo 83:18.
IBhayibhili aliqakathekisi eminye imihlobo yabantu kuleminye ngoba labhalwa nguMdali wabantu bonke. Amacebo alo awaphelelwa yisikhathi njalo asencede abantu bemihlobo yonke. Litholakala ngezindimi ezinengi lasezindaweni ezinengi ukwedlula wonke amanye amabhuku. a Lokhu kutsho ukuthi kungelani lokuthi umuntu ungaphi komhlaba angalibala ukuze limqondise ekuphileni kwakhe njalo kuvumelana lamazwi aseBhayibhilini athi:
“UNkulunkulu kakhethi, kodwa kuzo zonke izizwe uyamemukela umuntu omesabayo njalo owenza okulungileyo.”—IMISEBENZI 10:34, 35.
Umzali olothando uyabacebisa abantwabakhe. UJehova uNkulunkulu laye unguBaba olothando yikho esinika amacebo amahle esebenzisa iLizwi lakhe iBhayibhili. (2 KuThimothi 3:16) Ungalithemba iLizwi lakhe ngoba nguye owasidalayo njalo uyakwazi okuzasenza sithokoze.
Kumele wenzeni ukuze ube lekusasa elinjalo? Umbuzo lo uzaphendulwa esihlokweni esilandelayo.
a Ukuze uthole okunengi mayelana lokuhunyutshwa lokusakazwa kweBhayibhili hamba ku-www.jw.org, ukhangele ngaphansi kwengxenye ethi OKUFUNDISWA LIBHAYIBHILI > IMBALI YEBHAYIBHILI.
Nanku Okunye
INQABAYOKULINDA
Iqiniso Ngekusasa
Ungakuthandabuzi lakancane lokho esikuthenjiswa nguNkulunkulu ngekusasa langabantu abazaphila emhlabeni omutsha.
INQABAYOKULINDA
IBhayibhili Liyasinceda Yini Lamuhla?
Ngubani ongafisa ukucetshiswa libhuku elileminyaka engaba ngu-2 000 lona ulwazi lwalezinsuku lulunengi kangaka?
INQABAYOKULINDA
Ngubani Ongakhuluma Iqiniso Ngekusasa?
Ukhona umuntu ongamthemba ongakhuluma iqiniso ngekusasa.
INQABAYOKULINDA
IBhayibhili Lingenza Ube Lekusasa Elihle
ILizwi likaNkulunkulu lingasinceda ukuthi silwisane lezinhlupho esihlangana lazo nsukuzonke emhlabeni lo. Kodwa liphinda lisikhanyisele lokuzakwenzakala esikhathini esizayo.
IMIBUZO YEBHAYIBHILI IYAPHENDULWA
IBhayibhili Laphrofetha Yini Ngalokho Okwenziwa Ngabantu Kulezinsuku?
IBhayibhili lakutsho ukuthi abantu babezatshintsha babe babi kakhulu.
