KUNGANI KUQAKATHEKILE? Ukuthuthuka kwezempucuko lokwanda kobugebenga sekwenze abantu abanengi bafaka amakhamera lama-intercom ezindlini zabo. Manje nxa kumele sitshumayele endlini enjalo singazizwa sisesaba ngoba akulula ukutshumayeza umuntu osikhangeleyo thina singamboni. Amacebo alandelayo azasinceda sibelesibindi sokutshumayela ngekhamera kumbe nge-intercom.

INDLELA YOKUKWENZA:

• Ungesabeli khatshana. Abantu abanengi abalezindlu ezilamakhamera kumbe ama-intercom bayafuna sibatshele izindaba ezinhle.

• Khumbula ukuthi amanye amakhamera ahle aqalise ukurekhoda usanda nje kufika egedini lendlu lokuthi umninimuzi engabe esibukele njalo esizwa konke esikukhulumayo

• Nxa umninimuzi angavuma, khuluma ukhangele ikhamera kumbe i-intercom ngendlela obungaxoxa ngayo lomuntu likhangelene. Bobotheka njalo ukhanye nje ukuthi ukhululekile. Khuluma lokho obuzakutsho ngabe belixoxa likhangelene. Nxa lixoxa ngekhamera ungasondezi ubuso bakho kakhulu kuyo. Nxa kungela muntu lingazihluphi ngokutshiya lirekhode imeseji

• Nxa seliqedile ukuxoxa, kumele likhumbule ukuthi umnininimuzi engabe elokhu elikhangele njalo esizwa elikhulumayo