Izikhathi ezinengi ukuziphatha kuhle kwamakhosikazi atshadileyo asengamaKhristu kungenza ukuthi labomkabo bacine sebekhonza. Kodwa lokho akulula, kungadingeka ukuthi babekezele okweminyaka. (1Pe 2: 21-23; 3:1, 2) Lanxa umkakho engabe ekuthwalise nzima qhubeka unqoba okubi ngokuhle. (Rom 12:21) Kungenzakala ukuthi umkakho angakulaleli nxa uzama ukuxoxa laye ngoJehova kodwa ukuziphatha kwakho yikho okungathambisa inhliziyo yakhe.

Zama ukumzwisisa umkakho. (Flp 2: 3, 4) Woba lesihawu lozwelo futhi usebenze nzima ekwenzeni lokho okukhangelelwe kumakhosikazi, njalo umlalelisise nxa ekhuluma. (Jak 1:19) Bekezela njalo umtshele umkakho ukuthi uyamthanda. Lanxa umkakho engasoze akuphathe ngendlela omphatha ngayo, ungathandabuzi ukuthi uJehova uyakuqakathekisa ukuthembeka kwakho.​—1Pe 2:19, 20.

BUKELANI IVIDIYO ETHI UJEHOVA UYASINIKA AMANDLA UKUZE SITHWALE IMITHWALO YETHU BESELIPHENDULA IMIBUZO ELANDELAYO:

• Yayinjani impilo kaGrace Li esanda kutshada?

• Kuyini okwenza uGrace Li wafunda iBhayibhili?

• Kuyini okwanceda udade Li ukuthi abekezelele ubunzima obamehlela esebhabhathiziwe?

• Udade Li wakhuleka esithini ngomkakhe?

• Yiziphi izibusiso azitholileyo?