IMPILO YAMAKHRISTU
UJehova Uyabavikela Abantu Bakhe
IPhasika lokuqala ngqa laliqakatheke kakhulu. Ngalobobusuku amazibulo wonke amaGibhithe abulawa. UFaro esekubonile konke lokhu wabiza uMosi wamtshela wathi: “Hambani! Sukani ebantwini bami, lina lama-Israyeli. Hambani liyekhonza uJehova njengokucela kwenu.” (Eks 12:31) UJehova wabalwela sibili abantu bakhe.
Nxa sikhangela imbali yethu, kuyazicacela sibili ukuthi uJehova uyabakhokhela futhi abavikele abantu bakhe. Lokhu kuyazikhanyela e-museum ethi “Abantu Bebizo LikaJehova” esemawofisini ethu amakhulu.
BUKELANI IVIDIYO ETHI UKUVAKATSHA EMUSEUM YEWARWICK: “ABANTU BEBIZO LIKAJEHOVA,” BESELIPHENDULA IMIBUZO ELANDELAYO:
-
Yiliphi ithuluzi elaqalisa ukusetshenziswa ngaBafundi BeBhayibhili ngo-1914 ukuze bancedise abantu bakholwe okutshiwo liBhayibhili futhi baphumelela njani?
-
Yibuphi ubunzima obabakhona ngo-1916 lango 1918, futhi kwakhanya njani ukuthi uJehova wayekhokhela inhlanganiso yakhe?
-
Abantu bakaJehova batshengise njani ukuthi bathembekile lanxa bephikiswa?
-
Kwenzakalani ngo-1935 futhi abantu bakaJehova bezwa njani?
-
Nxa sewake wavakatshela i-museum yeWarwick, wabonani okwakutshiya ungathandabuzi ukuthi uJehova uyabavikela abantu bakhe?
