Uhlelo lwakho lokukhonza lugoqela lokubala Umbhalo Wosuku nsuku zonke yini? Nxa ungakwenzi lokhu, ungahlela yini ukukwenza zikhathi zonke? Abantu abanengi bajayele ukubala Umbhalo Wosuku ekuseni ukuze bathole ithuba lokutshona becabangisisa ngabayabe bekufundile. (Jos 1:8; Hu 119:97) Ungenzani ukuze uthole okunengi evesini okuyabe kuxoxwa ngayo ngalelolanga? Bala lamanye amavesi aseduze layo ukuze uzwisise ukuthi kwakuvele kukhulunywa ngani. Zama ukucabanga ngendaba eseBhayibhilini etshengisa isimiso okuxoxwa ngaso ubususisebenzisa empilweni yakho. ILizwi likaNkulunkulu lizakukhanyisela futhi likuncede nxa ungenza izinqumo ezihambisana lalo.​—Hu 119:105.

Emhlabeni wonke abasebenza e-Bethel babala Umbhalo Wosuku ekuseni. Okunye okuxoxwa ngakho ekukhonzeni kwekuseni kuyatholakala ku-JW Broadcasting^® ngaphansi kwengxenye ethi IZINHLELO LEMIBUTHANO. Ucine nini ukubukela ezinye zezinhlelo lezi? Kungenzakala ukuthi okunye kwakhona kukuncede empilweni yakho. Ngokwesibonelo, indaba kaLothi ingakunceda njani nxa kumele wenze izinqumo?

BUKELANI IVIDIYO ETHI LINGAWUTHANDI UMHLABA (1JO 2:15), BESELIPHENDULA IMIBUZO ELANDELAYO:

• Yisiphi isimiso obekuxoxwa ngaso Ekukhonzeni Kwekuseni lokhu?

• Indaba kaLothi itshengisa njani ukuthi ukuthanda umhlaba kumbe izinto ezikuwo kuyingozi?​—Gen 13:12; 14:12; 19:3, 12, 13, 24-26.

• Sitshengisa njani ukuthi sithanda uJehova hatshi umhlaba kumbe izinto ezikuwo?