KUNGANI KUQAKATHEKILE: UZekhariya waphrofetha ukuthi abantu abavela kuzo zonke izindimi lezizwe babezakwamukela kuhle izindaba ezinhle. (Zek 8:23) Pho ngubani ozabafundisa? (Ro 10:13-15) Silesibusiso lomlandu wokutshumayeza abantu bonke abasensimini yethu.​—od-ZU 84 ¶10-11.

INDLELA YOKUKWENZA:

• Lungiselela. Ungenzani nxa ujayele ukuhlangana labantu abakhuluma olunye ulimi? Ungasebenzisa i-JW Language ukuze ufunde intshumayelo elula. Okunye ongakwenza yikusebenzisa ifoni loba i-tablet yakho ukuze ubatshengise ukuthi bangathola njani okunengi ngolimi lwabo ku-jw.org

• Woba lelihlo elibukhali. Nxa utshumayela indlu ngendlu zama ukusebenzisa amathuba wonke olawo ukuze utshumayeze abantu abazihambelayo kumbe abazihlaleleyo ezimoteni. Nxa utshumayela obala, hlala ukhumbula ukuthi injongo yakho ngeyokutshumayela

• Khuthala. Qhubeka ubuyela ezindlini zalabo ongakaze ubathole. Zama ukubadinga mhlawumbe ngesikhathi esitshiyeneyo kumbe ngelanga elitshiyeneyo. Kungadingakala lokuthi uxoxe labanye abaninimuzi ngencwadi, ngefoni kumbe nxa utshumayela emgwaqweni

• Phindela. Phangisa ukubuyela ebantwini abafisa ukufunda iBhayibhili. Nxa ekhuluma olunye ulimi dinga umuntu ongamfundisa ngolimi lwakhe. Qhubeka ubuyela kuye uze uthole umuntu ozafunda laye ngolimi lwakhe.​—od-ZU 94 ¶39-40

BUKELANI IVIDIYO ETHI UKUTSHUMAYELA “LASEMIKHAWULWENI YOMHLABA,” BESELIXOXA NGEMIBUZO ELANDELAYO:

• Abafowethu labodadewethu benzani ukuze balungiselele ukuyatshumayeza abantu abakweyinye insimu? (1Khor 9:22, 23)

• Yibuphi ubunzima abahlangana labo?

• Yiziphi izibusiso abazitholayo?

• Ungenzani ukuze utshumayeze abantu abanengi ensimini yenu?