HLALA ULINDILE!
Isiphathamandla Sezempilakahle Sithi Ezokuxhumana Zingabalimaza Abasakhulayo—IBhayibhili Lithini?
Mhlaka 23 May ngo-2023, esinye isiphathamandla sikahulumende we-United States esibona ngezempilakahle sathi ezokuxhumana sezibaphambanise kakhulu abasakhulayo abanengi.
“Ezokuxhumana ziyabanceda sibili abantwana labasakhulayo kodwa kulobufakazi obunengi obutshengisa ukuthi zingabaphambanisa.”—Social Media and Youth Mental Health: The U.S. Surgeon General’s Advisory, 2023.
Isiphathamandla lesi sakhuluma ngokunye okutholwe ngabanye bechwayisisa okutshengisa ukuthi kuyini okungenza ezokuxhumana zibe yingozi kwabasakhulayo.
Sathi abasakhulayo abaleminyaka engu-12 kusiya ku-15 “abasebenzisa ezokuxhumana okwamahora adlula angu-3 ngelanga basengozini yokuhlulukelwa lokukhathazeka kakhulu.”
Abasakhulayo abaleminyaka engu-14 “abasebenzisa kakhulu ezokuxhumana bacina bengasalali kuhle, bayahlukuluzwa ngabanye kwezokuxhumana, bacina sebezikhangelela phansi futhi behlulukelwa kakhulu. Lokhu kwenzakala kakhulu emankazaneni kulasebafaneni.”
Abazali bangabavikela njani abantwababo? IBhayibhili lilamacebo angabasiza.
Okungenziwa ngabazali
Hlolisisa. Umzali kumele akhangele abone ukuthi umntanakhe angazisebenzisa yini ezokuxhumana.
Okutshiwo liBhayibhili: “Fundisa umntwana indlela okumele ahambe ngayo.”—IZaga 22:6
Ukuze uthole okunengi bala isihloko esithi “Should My Child Use Social Media?”
Nxa ungamvumela umntanakho ukuthi asebenzise ezokuxhumana woba leqiniso lokuthi uyamncedisa ukuthi azisebenzise kuhle. Ungakwenza njani?
Vikela umntanakho ezintweni ezingamlimaza. Ncedisa umntanakho abekwazi ukuthi yiziphi izinto ezitholakala kwezokuxhumana ezingamlimaza.
Okutshiwo liBhayibhili: “Lingaqali ukuxoxa ngobufebe langayo yonke imihlobo yokungcola loba ubuhwaba ngoba lokhu akubafanelanga abantu abangcwele. Akumelanga kube lokuziphatha okulihlazo, lenkulumo yobuthutha kanye lobuphoxo obulenhlamba.”—Kwabase-Efesu 5:3, 4
Khangela isihloko esithi “Teaching Your Teenager Social Media Safety.”
Fakela umntanakho imingcele. Ngokwesibonelo ungatshela umntanakho ukuthi kumele angene nini kwezokuxhumana futhi angene okwesikhathi esinganani.
Okutshiwo liBhayibhili: “Nanzelelani lingenzi njengabantu abangahlakaniphanga kodwa yenzani njengabahlakaniphileyo, lisisebenzise kuhle isikhathi senu.”—Kwabase-Efesu 5:15, 16.
ebenzisa ividiyo yemidwebo yabopopayi ethi Sebenzisa Kuhle Ezempucuko ukuze uncedise umntanakho azwisise ukuthi kungani kumele kube lemingcele.
Nanku Okunye
ZWANA UKUTHI ABENTANGA YAKHO BATHINI
Zwana Ukuthi Abentanga Yakho Bathini Ngama-Cell Phone
Kwabasakhulayo abanengi i-cell phone yindlela yokukhulumisana labantu abanengi. Yiziphi izindlela ezinhle lezimbi zokusebenzisa i-cell phone?
IMIBUZO EBUZWA NGABASAKHULAYO
Kuyingozi Yini Ukuba Ngodumileyo Kwezokuxhumana?
Abanye abantu bafaka impilo zabo engozini ukuze babe labalandeli abanengi. Kulengqondo yini ukufaka impilo engozini ukuze ube ngodumileyo?
IMIBUZO EBUZWA NGABASAKHULAYO
I-Social Media Isikuphambanisa Yini?
Kunzima ukuyitshiya i-social media. Amacebo asesihlokweni lesi azakunceda ukuthi wenelise ukusebenzisa kuhle i-social media.
OKUMAYELANA LATHI
Cela Ukuthi Omunye Wethu Akuvakatshele
Xoxa ngezinto ezitshiyeneyo eziphathelane leBhayibhili kumbe ufunde okunengi ngaboFakazi bakaJehova.
