UJobe 6:1-30
6 UJobe waphendula wathi:
2 “Aluba ubuhlungu bami+ bonke bebungalinganiswa,Bufakwe esikalini sinye lohlupho lwami!
3 Ngoba khathesi bunzima ukwedlula itshebetshebe yolwandle,Yikho sengikhuluma ngingacabanganga.+
4 Imitshoko kaSomandla ingigwazile,Ubuhlungu bayo bugijima kuwo wonke umzimba wami,+Inhlupho ezivela kuNkulunkulu zingihanqile.
5 Ubabhemi*+ engakhala yini nxa kulotshani,Lenkunzi ingabongolela yini ngapha isidla?
6 Ukudla kungadleka yini kungelasawudo?
Amanzi esihlahlakazana esiduma angaba mnandi yini?
7 Ngalile ukuthinta ukudla okunjalo,Ukudla lokho kungcolile kimi.
8 Aluba isicelo sami besingemukelwa,UNkulunkulu akwenze engikufisayo!
9 Aluba uNkulunkulu ubengangichoboza!
Aluba ubengelula isandla sakhe angibulale!+
10 Lokho bekungangiduduza,Bengingathokoza ngiqolotshe lanxa ngiphakathi kobuhlungu obukhulu,Ngoba ngiwamukele amazwi alowo oNgcwele.+
11 Kambe ngiseselawo yini amandla okuqhubeka ngilindile?+
Ngisalindeleni okungangenza ngifise ukuqhubeka ngiphila?*
12 Ngiqine njengelitshe yini?
Kanti ngenziwe ngensimbi* yini?
13 Ikhona yini enye indlela engingazisiza ngayo,Njengoba konke ebengiphila ngakho sengikuthathelwe?
14 Loba ngubani ongelathando oluqotho kumakhelwane wakhe,*+
Uzayekela ukumesaba uSomandla.+
15 Abafowethu bangamaqili+ njengezifula ezigeleza ebusika,Njengamanzi ezifula zebusika eziphanga zitshe.
16 Ziphenduka zibe mnyama nxa ungqwaqwane uncibilika,Ungqwaqwane oncibilikayo uphelela kuzo.
17 Kodwa ngokuhamba kwesikhathi ziyatsha amanzi aphele,Kungatshisa ziyoma qha.
18 Ziyaphambuka ziyele lale,Zigelezele enkangala amanzi atshe aphele.
19 Izihambi zeThema+ zidinga amanzi ezifudlaneni lezi,Izihambi zeShebha+ zithembele kuzo.
20 Zithi zifika kuzo zidane,Ziphelelwe ngoba bezithembele entweni engekhoyo.
21 Lani yikho elingenze khona;+Libone ngisehlelwa yizinto ezesabekayo lethuka.+
22 Kukhona yini engike ngakucela kini?
Ngike ngacela yini ukuthi lingisize ngenotho yenu?
23 Ngike ngalicela yini ukuthi lingikhulule ezitheni zami,Kumbe ukuthi lingilamulele* kwabangicindezelayo?
24 Ngifundisani mina ngizathula,+Ngincedani ngizwisise ukuthi ngilahleka ngaphi.
25 Iqiniso kalibuhlungu!+
Kodwa ukungikhuza kwenu khona kunceda ngani?+
26 Kambe libuthanele ukuzosola amazwi ami,Amazwi omuntu osephelelwe lithemba+ aphetshulwa ngumoya?
27 Lina lingenza inkatho ngentandane,+Lomngane wenu lingamthengisa!+
28 Ngakho tshibilikani lingikhangele,Ngoba angisoze ngiqambe amanga sikhangelene emehlweni.
29 Ngicela liyikhangele kutsha indaba yami lingangahluleli kubi,Ihloleni kuhle ngoba ngilokhu ngisenza okulungileyo.
30 Ngikhuluma kubi yini?
Litsho ukuthi angenelisi ukubona okungaqondanga?
Amabala angaphansi
^ Kumbe, “Ubabhemi weganga.”
^ Kumbe, “ngelule impilo yami.”
^ NgesiHebheru, “ngekhopha.”
^ Kumbe, “komunye wakhe; kumngane wakhe.”
^ NgesiHebheru, “lingihlenge.”
